Epičnaja saha pra niearhanizavanuju złačynnaść
Paradyjnaja “Mafija” Džyma Abrahamza
Mafija (Mafija Džejn Ostyn!”) (Jane Austen's Mafia!)
ZŠA, 1998, kalarovy, 83 chv.
Režyser: Džym Abrahamz
Roli vykonvajuć: Džej Mor, Bili Burk, Krystyna Epłhiejt, Pameła Hidli, Alimpija Dukakis, Łojd Brydžes
Žanr: Parodyja na hanhsterskaje kino
Don Vinčenca Karcina – kiraŭnik nadziva niearhanizavanaj złačynnaści. U jaho stralali ŭžo 47 razoŭ – i heta prymusiła zadumacca jaho pra sens žyćcia. Patryjarch kryminalnaha śvietu musić abrać pierajemnika, jaki kančatkova dezarhanizuje złačynnaść u krainie. U Dona dva syny: adzin – mužny hieroj vajny, druhi – narkuša i psychapat. Kaho abiare mudry Don?
Parodyja na hanhsterskaje kino, a najpierš – na “Chrosnaha baćku”. Džym Abrahamz viadomy supracaj z bratami Cukierami, razam ź jakimi byli stvoranyja takija kamedyjnyja stužki, jak “Aeraplan”, “Zusim sakretna!” i “Aholeny pistalet”. Jahony solny film “Mafija” nia ličycca takim paśpiachovym, ale zastajecca kinaparodyjaj – žanram, jaki paddajecca niamnohim.
Cikava, što abśmiajalnik hanhsterskich štampaŭ Džym Abrahamz raspačynaŭ svaju karjeru… pryvatnym detektyvam.
Kamientary