«Achova ptušak Baćkaŭščyny» paličyć ptušak na karmuškach
14–15 studzienia hramadskaja arhanizacyja «Achova ptušak Baćkaŭščyny» praviadzie akcyju «Ptuški na karmušcy».
Jak paviedamiŭ śpiecyjalist pa ekałahičnaj adukacyi APB Rusłan Šajkin, meta akcyi — źviarnuć uvahu nasielnictva na prablemy ptušak, vyznačyć vidavy skład zimovych ptušak, jakija prylatajuć na karmuški. Tradycyjna ŭ mierapryjemstvie biaruć udzieł pierš za ŭsio kalektyvy škoł, centraŭ pazaškolnaj raboty. Udzielnikam akcyi prapanujecca paličyć ptušak na karmuškach i paviedamić ab vynikach svaich nazirańniaŭ u APB. Pa mahčymaści, nieabyjakavym da prablem ptušak ludziam prapanujecca zahadzia zrabić karmuški.
U 2011 hodzie ŭ akcyi ŭziali ŭdzieł prykładna 200 čałaviek. Na karmuškach było adznačana bolš za 10 tys. ptušak 33 vidaŭ. Čaściej za ŭsio sustrakalisia vialikaja sinica, damavy i palavy vierabji. Ź niezvyčajnych vidaŭ byli zaŭvažanyja ziabliki i špaki.
Jak adznačyŭ Šajkin, zimovaje padkormlivańnie pšutak pravodzicca z poźniaj vosieni da sakavika. Adnak jano metazhodnaje tolki dla pieŭčych ptušak, vadapłaŭnych karmić nie rekamiendujecca.
U skład karmavoj sumiesi pavinny ŭvachodzićsiemiečki słaniečnika (da 40%), prosa (50%), aŭsianka abo avios (10%), vielmi karysna dadavać sumieś z nasieńnia ziella. Kali karmavoj sumiesi niama, to možna karmić ptušak siemiečkami. Akramia taho, sinicy i dziatły lubiać niesalonaje sała, vierabji, sinicy, zielanuški, papaŭźni, čyžy i dziatły — arachis (nielha davać smažanyja abo salonyja areški i siemiečki).
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?21
Kamientary