«Ja liču, što takaja suma amal u kožnaha jość», — tłumačyć jon.
— Takija hrošy nam tolki śnilisia, — heta ŭsio, što mohuć skazać miascovyja žychary, daviedaŭšysia navinu pra svajho susieda.
Kradziež u adnaho sa staršyniaŭ SVK Dziatłaŭskaha rajona abmiarkoŭvaje ŭvieś rajon. Raniaj ranicaj złodziej vynies z chaty kiraŭnika 26 tys. 640 dalaraŭ, 30 tysiač jeŭra i amal 4 miljony rubloŭ. Akramia taho, złodziej prychapiŭ z saboj pudziła afrykanskaj ilvicy koštam 1000 dalaraŭ.
Kažuć, złačyniec doŭha rychtavaŭsia da kradziažu: naziraŭ za domam, sačyŭ, kali sychodziać i viartajucca haspadary, a ranicaj zalez u chatu praź niezačynienaje akno ŭ kacielni i vynies usie źbieražeńni. Niahledziačy na toje, što mužčyna pracavaŭ u palčatkach, jaho vielmi chutka vyličyli śledčyja i zatrymali. Im akazaŭsia
Vioska, u jakoj adbyłosia hučnaje złačynstva, dosyć vialikaja — 840 čałaviek. Voś užo paŭtara hoda SVK uznačalvaje małady kiraŭnik, jaki raniej pracavaŭ hałoŭnym ahranomam. Žyvie jon u słužbovym domie i jeździć na słužbovym «Šeŭrale».
— Hetaja suma — maje źbieražeńni z 2003 hoda, a pudziła ilvicy kaliści padaryli, — nieachvotna kaža paciarpieły.
— Na što vy źbirali hrošy? Prosta takaja vialikaja suma — i vy zachoŭvali jaje doma…
— Ja liču, što takaja suma amal u kožnaha jość.
— Prabačcie, a kolki vam hadoŭ?
— Chutka budzie 30. Da pabačeńnia.
Darečy, kałhas, u jakim usio adbyłosia, nie na najlepšym rachunku ŭ rajonnaha načalstva pa ekanamičnych pakazčykach.
— Pa zvodkach jon dzieści nižejšy za siaredniaje. Siaredniaja zarpłata pa SVK — 1 miljon 400 tysiač, a ŭ kiraŭnika — krychu bolš za try. Praŭda, z 1 studzienia pavysiłasia da 4,6 miljona, — kažuć va ŭpraŭleńni ekanomiki Dziatłaŭskaha rajvykankama.
Kamientary