a vy jak dumajecie?
Ładućka: Śnieh čyścić pavinny i studenty, i nasielnictva
«Jakija pakul naležnaha entuzijazmu nie prajavili».
Udzieł nasielnictva va ŭborcy śniehu pavinna być bolš aktyŭnym. Ab hetym zajaviŭ staršynia Minharvykankama Mikałaj Ładućka na apieratyŭnaj naradzie ŭ meryi, pieradaje karespandent BIEŁTA.
Mer stalicy pierakanany, što rasčystka terytoryi horada ad śniehu — ahulnaja sprava i nasielnictva pavinna ŭnosić svoj układ razam z kamunalnymi słužbami. Miž tym
jon kanstatavaŭ, što ŭ minułyja vychodnyja ludzi nie prajavili aktyŭnaści.«Ludzi nie vyjšli ŭ vychodnyja dni, nie rasčyścili terytoryju kala svaich mašyn, u dvarach. Rola i miesca nasielnictva va ŭborcy śniehu pavinny być abaznačanyja», — skazaŭ Mikałaj Ładućka.
Na dumku staršyni Minharvykankama, pravieści svojeasablivyja subotniki pa naviadzieńni paradku na svajoj terytoryi pavinny ŭsie subjekty haspadarańnia, a taksama studenty VNU, jakija pakul naležnaha entuzijazmu nie prajavili.«Kiraŭniki abjektaŭ handlu, hramadskaha charčavańnia, aŭtastajanak, dziaržustanoŭ nie zabiaśpiečyli ŭ poŭnaj miery rasčystku svaich terytoryj.
Parkovačnyja miescy kala kram, restaranaŭ nie ačyščany. Usie upaŭnavažanyja ad hetych arhanizacyj, za jakimi zamacavana terytoryja, kali nie vykanajuć patrabavańnie vykankama pa ŭtrymańni stalicy ŭ naležnym vyhladzie, pavinny być pryciahnuty da adkaznaści i aštrafavanyja«, — rasparadziŭsia mer Minska. Jon padkreśliŭ, što ŭ minułyja vychodnyja dni takuju pracu možna było arhanizavać. Mikałaj Ładućka daručyŭ kiraŭnikam administracyj rajonaŭ horada ŭziać na kantrol pytańni pryciahnieńnia da ŭborcy śniehu supracoŭnikaŭ ustanoŭ, arhanizacyj i pradpryjemstvaŭ, studentaŭ VNU na zamacavanych terytoryjach.
Daŭšy razhon žycharam Minska, siabie Ładućka pachvaliŭ.Aceńvajučy jakaść uborki śniehu ŭ Minsku za minułyja vychadnyja, jon adznačyŭ, što hałoŭnaja zadača vykanana. «Prajezd transpartu zabiaśpiečany, transpartnyja arteryi pracavali ŭ paŭnavartasnym režymie, nijakich zatrymak ŭ ruchu hramadskaha transpartu nie dapuščana», — skazaŭ staršynia Minharvykankama.
Jon taksama źviarnuŭ uvahu na rasčystku ad śniehu i ledziašoŭ skatnych dachaŭ.Dla hetaha jon rasparadziŭsia akumulavać na pracach usiu najaŭnuju ŭ horadzie techniku i arhanizavać dadatkovyja bryhady. «Nieabchodna vydać pradpisańni uładalnikam budynkaŭ sa skatnych dachaŭ. Za tydzień strechi ad ledziašoŭ i śniehu pavinny być rasčyščany», — daručyŭ mer stalicy.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała25
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5656
Kamientary