Zołatavalutnyja reziervy Biełarusi zastajucca na nizkim uzroŭni, ale kraina zdolnaja pahašać svoj doŭh pierad źniešnimi kredytorami.Pra heta zajaviŭ 5 sakavika na bryfinhu ŭ Minsku kiraŭnik misii Mižnarodnaha valutnaha fondu Krys Džarvis.
«Ja dumaju, što Biełaruś zdolnaja pahašać usie svaje abaviazacielstvy pa źniešnim doŭhu jak pierad MVF, hetak i pierad inšymi kredytorami. Hety doŭh zastaniecca na ekanamična prymalnym uzroŭni pry praviadzieńni naležnaj palityki», — zaznačyŭ Džarvis.
Pry hetym jon padkreśliŭ, što zołatavalutnyja reziervy Biełarusi zastajucca na nizkim uzroŭni. «Navat pry ŭmovie praciahu praviadzieńnia naležnaj palityki, mahčyma, było b karysna atrymać dadatkovaje finansavańnie z metaj naroščvańnia reziervaŭ i zabieśpiačeńnia bolšaj nadziejnaści źniešniaj pazicyi krainy», — skazaŭ kiraŭnik misii.
«I heta pasłužyła b bazaj dla razhladu MVF mahčymaści vydzialeńnia finansavaj padtrymki ŭ miežach novaj prahramy», — dadaŭ Džarvis.
Jon taksama zaznačyŭ, što
MVF nie refinansujekrainam-pazyčalnikam najaŭny doŭh: «My razhladajem uvieś płaciežny bałans krainy i vyznačajem uzrovień nieabchodnaj padtrymki».
Abjom zołatavalutnych reziervaŭ Biełarusi ŭ vyznačeńni MVF na 1 lutaha 2012 hoda skłaŭ 7 młrd. 968,2 młn. dołaraŭ, pavialičyŭšysia z pačatku hoda na 52,3 młn. dołaraŭ. Niahledziačy na ahulny rost zołatavalutnych reziervaŭ krainy, aktyvy ŭ zamiežnaj valucie ŭ ich składzie źnizilisia za studzień amal na 715 młn. dołaraŭ ZŠA, abo na 16%.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary