Padrychtavana pahadnieńnie ab admienie vizavaha režymu pamiž Biełaruśsiu i Turcyjaj.Ab hetym paviedamiŭ kiraŭnik dypmisii hetaj krainy ŭ Minsku Dževat Niezichi Azkaja 14 sakavika ŭ chodzie sustrečy sa studentami BDU, arhanizavanaj hramadskim abjadnańniem «Dyjałoh Jeŭrazija» pry padtrymcy Centra vyvučeńnia źniešniaj palityki i biaśpieki. Materyjały sustrečy raźmieščany na sajcie centra.
Pavodle słoŭ pasła Turcyi, čakajecca vizit ź Biełarusi na samym vysokim uzroŭni, u chodzie jakoha płanujecca padpisańnie pahadnieńnia.
Dypłamat prahnazuje, što admiena vizavaha režymu pryviadzie ŭ Biełaruś značna bolš hramadzian Turcyi. «Pradprymalniki Turcyi, kali hladziać na Biełaruś, bačać nie tolki terytoryju Biełarusi, jany bačać Bałtyku, Polšču, Ukrainu, Skandynaviju i vielizarnuju Rasiju, — skazaŭ Azkaja. — Inviestary, układvajučy hrošy siudy, bačać pierśpiektyvu».
Pavodle jaho słoŭ, paśla admieny vizavaha režymu pamiž Biełaruśsiu i Turcyjaj źjavicca mahčymaść arhanizavać štodzionnyja avijarejsy.
Pasoł taksama adznačyŭ, što Turcyja źjaŭlajecca zapatrabavanym miescam dla adpačynku biełarusaŭ. Zhodna sa statystykaj, u 2011 hodzie krainu naviedali da 160 tysiač biełaruskich hramadzian.
Kamientary