Napiaredadni razhladu pytańnia ab pašyreńni sankcyj u adnosinach da Biełarusi Jeŭrasajuz adčuvaje «biesprecedentny ŭzrovień łabiravańnia» intaresaŭ biełaruskaha režymu, piša brusielskaje vydańnie EUobserver.
Nahadajem, 23 sakavika na pasiadžeńni Savieta ministraŭ zamiežnych spraŭ ES mohuć być uviedzieny sankcyi suprać fizičnych i jurydyčnych asob Biełarusi, adkaznych za parušeńni pravoŭ čałavieka i represii ŭ dačynieńni da apazicyi i hramadzianskaj supolnaści, a taksama suprać tych, chto «padtrymlivaje abo ź`iaŭlajecca bienieficyjarami režymu Łukašenki».
Zaraz, piša EUobserver,
u dypłamatyčnych kołach idzie abmierkavańnie śpisu biełaruskich čynoŭnikaŭ i biźniesmienaŭ, jakim moža być zabaronieny ŭjezd na terytoryju ES. U hetym śpisie značycca ŭ tym liku kiraŭnik hrupy kampanij «Trajpł» Juryj Čyž. A biźniesmien Uładzimir Piefcijeŭ, užo ŭklučany ŭ «čorny» śpis ES, sprabuje asprečyć hetaje rašeńnie ES u Jeŭrapiejskim sudzie.
«Vy nie možacie sabie ŭjavić, jak šmat ludziej tut (u Brusieli. — BiełaPAN.) pabyvała», — paviedamiŭ EUobserver vysokapastaŭleny jeŭrapiejski pradstaŭnik, majučy na ŭvazie dypłamataŭ, členaŭ NDA i firm, jakija, pavodle jaho słoŭ, raili vyklučyć Piefcijeva z «čornaha» śpisu.
Krynica paćvierdziła infarmacyju
EUobserver nie nazyvaje arhanizacyi i proźviščy tych, chto prapanoŭvaje vyklučyć Piefcijeva sa śpisu, tamu što «dapuskaje, što ich prosta vykarystoŭvajuć dla vykanańnia brudnaj pracy».
EUobserver źviazałasia ź litoŭskaj jurydyčnaj kampanijaj Lawin, jakaja pradstaŭlaje Piefcijeva ŭ sudzie ES, kab udakładnić infarmacyju ab uznaharodžańni, ale tam hetyja źviestki nie paćvierdzili i nie abvierhli.
Sa spasyłkaj na jeŭrapiejskich dypłamataŭ EUobserver paviedamlaje, što ekanamičnyja intaresy biełaruskich aliharchaŭ sprabuje abaranić nie tolki Słavienija.
Nahadajem, napiaredadni pasiadžeńnia Savieta ministraŭ zamiežnych spraŭ krain ES 27 lutaha EUobserver paviedamiŭ, što Słavienija vystupiła suprać raspaŭsiudžańnia ekanamičnych sankcyj ES na biełaruskich biźniesmienaŭ i, u pryvatnaści, na Juryja Čyža. Słavienija nibyta błakiravała ŭklučeńnie Čyža ŭ śpis u suviazi z tym, što słavienskaja kampanija Riko Group vyjhrała tender na budaŭnictva ŭ Minsku piacizorkavaha hatelnaha kompleksu «Kiempinski» ŭ supracoŭnictvie z hrupaj kampanii «Trajpł», što naležyć Čyžu.
«Abiedźvie krainy hatovyja pahadzicca na novyja sankcyi ES, ale pry ŭmovie adsutnaści ŭ śpisach kampanij i imion aliharchaŭ, ź jakimi jany supracoŭničajuć, — piša EUobserver. — Łabisty biźniesmienaŭ śćviardžajuć, što ES pamylajecca, i jany nie ź`iaŭlajucca finansavymi sponsarami režymu. Ale ŭ heta ciažka pavieryć u krainie, dzie 70% ekanomiki aficyjna kantralujecca dziaržavaj».Brusielskaje vydańnie zaznačaje, što suprać sankcyj vystupaje taksama Łatvija.
EUobserver padkreślivaje: na pazicyju Łatvii i Słavienii nie paŭpłyvali ni haładoŭka palitźniavolenaha Siarhieja Kavalenki, jaki špitalizavany ŭ turemnuju balnicu, ni pakarańnie abvinavačanych u teraryźmie Uładzisłava Kavalova i Dźmitryja Kanavałava, sudovy praces nad jakimi byŭ nieadnaznačnym.
«Łukašenka lubić paździekavacca z sankcyj ES. Ale jany ź`iaŭlajucca sur`ioznym sihnałam dla zamiežnych inviestaraŭ u ciažkija dla biełaruskaj ekanomiki časy i nanosiać uron jaho płanam pa vykarystańni tranzitnych mahčymaściaŭ krainy. Adna z prykmietaŭ efiektyŭnaści sankcyj u tym, što pasłańniki Łukašenki rehularna sprabujuć handlavać palitźniavolenymi ŭ abmien na ŭstupki z boku ES», — piša EUobserver.
«Nijakija sankcyi nie zmohuć admianić toje, što adbyłosia z Kavalovym i Kanavałavym. Ale kali Čyž i Piefcijeŭ vyjduć suchimi z vady, Łatvija i Słavienija buduć vymušany zapłacić palityčnuju canu», — reziumuje vydańnie. Hetyja krainy «buduć nieści publičnuju adkaznaść za svaje rašeńni», zajaviła EUobserver dypłamatyčnaja krynica ŭ Brusieli.
Ciapier čytajuć
Daškievič raskazaŭ, jak trapiŭ za kratami ŭ «nizki status» i napisaŭ prašeńnie ab pamiłavańni6
Kamientary