Ministr adukacyi Siarhiej Maskievič: Takaja zadača pastaŭlena.
Pra namier pieravieści vykładańnie dvuch školnych pradmietaŭ — historyi Biełarusi i hieahrafii Biełarusi — na biełaruskuju movu paviedamiŭ žurnalistu «Źviazdy» ministr adukacyi našaj krainy Siarhiej Maskievič:
— Takaja zadača pastaŭlena i my budziem imknucca da taho, kab užo z novaha navučalnaha hoda biełaruskaja mova viarnułasia na ŭroki pa historyi i hieahrafii rodnaha kraju.
Treba nahadać, što pierachod na vykładańnie historyi Biełarusi na ruskuju movu adbyŭsia ŭ 2006 hodzie. I choć aficyjna prava, na jakoj movie vyvučać historyju Biełarusi, było dadziena vučniam, u chutkim časie biełaruskaja mova amal całkam źnikła z urokaŭ historyi ŭ hetych škołach. A biełaruskamoŭnyja padručniki byli zamienienyja novymi. Arhanizatary centralizavanaha teściravańnia zaŭvažyli, što, pačynajučy z 2007 hoda, kolkaść achvotnikaŭ zdavać test pa historyi Biełarusi na rodnaj movie z kožnym hodam źmianšałasia. I letaś centralizavanaje testavańnie pa historyi Biełarusi pisali na biełaruskaj movie tolki kala 33% z tych, chto zarehistravaŭsia na hetuju dyscyplinu. Z kožnym hodam praciahvała źmianšacca i kolkaść abituryjentaŭ, jakija na abaviazkovym ekzamienie pa dziaržaŭnaj movie ź dźviuch moŭ vybirali biełaruskuju. U 2011 hodzie ruskuju movu pažadali zdavać padčas CT bolš jak 96 tysiač čałaviek, a na biełaruskuju movu zarehistravalisia tolki krychu bolš jak 53 tysiačy abituryjentaŭ.
Na inšych dyscyplinach centralizavanaha testavańnia kolkaść tych, chto pažadaŭ zdavać ekzamien na biełaruskaj movie, uvohule vyhladała bolš čym ścipła: pa hieahrafii — 5,2%, matematycy — 6,2%, fizicy — 5,6%, chimii — 5,5%, bijałohii — 7,2%, suśvietnaj historyi — kala 8,7%, hramadaznaŭstvie — 2,5%. Na žal, hetaja statystyka adlustroŭvaje realnuju situacyju z kolkaściu vučniaŭ, jakija navučajucca siońnia ŭ rasiejskamoŭnych i biełaruskamoŭnych škołach.
Ministr adukacyi taksama zapeŭniŭ, što pry skaračeńni humanitarnaha błoka dyscyplin u VNU, nieabchodnaść jakoha źviazana sa skaračeńniem terminaŭ padrychtoŭki śpiecyjalistaŭ z vyšejšaj adukacyjaj, pad skaračeńnie nie trapić kurs «Biełaruskaja mova. Prafiesijnaja leksika». I dadaŭ, što vykładańnie historyi Biełarusi taksama budzie vieścisia na biełaruskaj movie.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała24
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5555
Kamientary