Za dva miesiacy Biełaruś zapłaciła ŭ biudžet Rasii $660 miljonaŭ mytaŭ.
Zhodna z padlikami Nacbanka, za studzień-luty 2012 hoda Biełaruś pieraličyła ŭ biudžet Rasii $660,7 miljonaŭ ekspartnych mytaŭ na naftapradukty. Hetyja ličby, u adroźnieńnie ad papiarednich hadoŭ, nie prymianiajucca padčas padliku salda zamiežnaha handlu krainy.
Zhodna z dadzienymi Biełstata, u studzieni salda handlu tavarami i pasłuhami skłała +$315 miljonaŭ. Ličbaŭ za luty pakul što niama, ale
navat kali b situacyja skłałasia takaja ž, jak u studzieni, salda za dva miesiacy z ulikam spłačanych mytaŭ budzie blizkim da nulavoha, ale admoŭnym.Pry hety varta ŭličvać, što ŭ lutym biełaruski rubiel uzmacniŭsia ŭ paraŭnańni sa studzieniem.
U vypadku zachavańnia nulavoha salda zamiežnaha handlu Biełarusi, najchutčej što, spatrebiacca zamiežnyja pazyčańni, kab raspłacicca pa raniejšych zamiežnych daŭhach.
Kamientary