11 sakavika ŭ Vilni skončyłasia dvuchdzionnaja sustreča‑kanferencyja pradstaŭnikoŭ biełaruskaj demakratyčnaj apazycyi i hramadzkaści, jakuju pravioŭ Nacyjanalny kamitet abjadnanych demakratyčnych siłaŭ pry dapamozie Rady Eŭropy.
11 sakavika ŭ Vilni skončyłasia dvuchdzionnaja sustreča‑kanferencyja pradstaŭnikoŭ biełaruskaj demakratyčnaj apazycyi i hramadzkaści, jakuju pravioŭ Nacyjanalny kamitet abjadnanych demakratyčnych siłaŭ pry dapamozie Rady Eŭropy.
U pieršy dzień udzielniki, a ich było bolš za 40 asobaŭ, pracavali ŭ troch sekcyjach, dzie abmiarkoŭvalisia hałoŭnyja dakumenty, jakija rychtujuć demakratyčnyja siły. Heta – małaja Kanstytucyja, ekanamičnaja platforma i stratehija dziejańniaŭ. Zatym adbylisia plenarnyja pasiedžańni.
Staršynia Nacyjanalnaha kamitetu Anatol Labiedźka tak kamentuje hetuju pracu: «Ja dumaju, što my stali bolš mocnymi pierad Palitradaj i pierad Kanhresam. Ja maju na ŭvazie tych, chto vystupajuć za praviadzieńnie Kanhresu i abjadnańnia vakoł pazytyŭnaj alternatyvy, ź jakoj treba iści da nasielnictva».
A siońnia ŭ Vilni prajšoŭ kruhły stoł, pryśviečany novamu Kanhresu demsiłaŭ. Balšynia z tych, chto ŭdzielničaŭ u dyskusii, vystupaje za praviadzieńnie hetaha forumu, pakolki razhladaje jaho, «jak vyšejšy i stała dziejučy orhan prychilnikaŭ pieramienaŭ».
Alaksandar Milinkievič i Vincuk Viačorka u sustrečy ŭdziełu nia brali: Milinkievič z-za chvaroby, a Viačorka z-za sojmu BNF
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary