Ministr ekanomiki raić biełarusam pieravieści dalary ŭ rubli i adnieści ŭ bank
Pra kryzis, sacyjalnaje małako i dachody Mikałaj Snapkoŭ raspavioŭ na žyvoj linii haziety «Respublika».
Ministr ekanomiki daŭ paradu prostamu biełarusu, jak pavysić svoj dachod, kab jon moh kupić usio nieabchodnaje dla žyćcia.
«Heta vidavočna: kali jość dalary, pieravieści ich u biełaruskija rubli i pakłaści na doŭhaterminovy depazit, — parekamiendavaŭ ministr ekanomiki.— Heta z punktu hledžańnia finansavych apieracyj. Z hledzišča zarobku — pracavać na dobrym pradpryjemstvie, dzie mieniedžmient dumaje pra pavyšeńnie pradukcyjnaści pracy, pra PDK. I, adpaviedna, moža płacić vialikuju zarpłatu.
Pa słovach ministra, u siarednim inflacyja zachavajecca na ŭzroŭni 1,5% u miesiac.Da libieralizacyi cenaŭtvareńnia ŭ hetym hodzie viartańnia nie budzie, zajaviŭ Snapkoŭ, adkazvajučy na pytańnie čytača.
Ministr paabiacaŭ, što źnikłaje sacyjalnaje małako chutka vierniecca na pryłaŭki. Jon rastłumačyŭ, što dla vytvorcy jaho vytvorčaść hłyboka stratna — minus 40–50% rentabielnaści.
«Ale z ulikam taho, što jano ŭ struktury vyrablenaj pradukcyi składaje 15–20%, pradpryjemstvy śviadoma iduć na heta. U dadzienym vypadku mnohaje zaležyć ad sacyjalnaj adkaznaści dyrektara. …
My budziem pastupova vyraŭnoŭvać košty.Pakul ža dyrektaram treba razumieć, što straty varta začyniać inšymi praduktami».
Na dumku ministra ekanomiki, «kazać pra toje, vyjšli my z kryzisu, pakul składana».
Kamientary