DAI rekamienduje na Radaŭnicu hramadzianam skarystacca hramadskim transpartam

Kab paźbiehnuć zatornych situacyj na prylehłych da mohiłak učastkach daroh 24 krasavika, na Radaŭnicu, Dziaržaŭtainśpiekcyja rekamienduje hramadzianam naviedać miescy pachavańniaŭ zahadzia.

Michanavickija mohiłki:

Ruch indyvidualnaha transpartu naviedvalnikaŭ z boku Minska budzie ažyćciaŭlacca pa aŭtadarozie Novy Dvor — Michanavičy — Piacieŭščyna praź Michanavičy. Vyjezd z mohiłak u Minsk — pa aŭtadarozie Asiejeŭka — Michanavičy. U hetych metach na ŭčastkach aŭtadaroh buduć ustanoŭleny adpaviednyja darožnyja znaki, jakija ŭkazvajuć maršrut abjezdu. Dastaŭka pasažyraŭ hramadskim transpartam budzie ažyćciaŭlacca pa vyznačanym maršrucie. Transpart indyvidualnych uładalnikaŭ raźmiaščajecca na abočynach prylehłych prajezdaŭ, a taksama na terytoryi mohiłak z ujezdam u asnoŭny prajezd i vyjezdam praz zapasnyja varoty ŭ kalcavym režymie.

Paŭnočnyja mohiłki:

Dastaŭka pasažyraŭ hramadskim transpartam budzie ažyćciaŭlacca pa aŭtadarozie Kałodziščy — Zasłaŭje z boku transpartnaj raźviazki ŭ Cnie ŭ bok aŭtadarohi Minsk — Kałačy — Miadzieł. Na ŭčastku aŭtadarohi Kałodziščy — Zasłaŭje ad pierasiačeńnia z aŭtadarohaj Minsk — Kałačy — Miadzieł da padjezda da Zabałoćcia arhanizoŭvajecca adnabakovy ruch transpartu indyvidualnych uładalnikaŭ u bok Cny z vydzialeńniem pałasy dla ruchu hramadskaha transpartu ŭ sustrečnym napramku. Transpart indyvidualnych uładalnikaŭ raźmiaščajecca na pravych abočynach aŭtadaroh Kałodziščy — Zasłaŭje (ad źjezdu ŭ pole da piešachodnaha pierachodu kala druhich varot) i Minsk — Kałačy — Miadzieł (ad kalcavoha pierasiačeńnia ŭ bok Dubaŭlan), a taksama na stajankach Paŭnočnych mohiłak. Na ŭčastkach aŭtadaroh, jakija prylahajuć da terytoryi mohiłak, buduć ustanoŭleny adpaviednyja darožnyja znaki, jakija rastłumačvajuć charaktar i režym uviedzienych abmiežavańniaŭ u darožny ruch.

Čyžoŭskija mohiłki:

Transpart indyvidualnych uładalnikaŭ budzie raźmiaščacca ŭ pieršaj pałasie i na abočynie źniešniaha kalca MKAD ad źjezdu na Novy Dvor da 10-j HKB, u suviazi z čym na kalcavoj darozie buduć ustanoŭleny adpaviednyja darožnyja znaki. Padjezd transpartu (akramia hramadskaha) da samych mohiłak budzie abmiežavany. Pierachod naviedvalnikami MKAD budzie ažyćciaŭlacca praz padziemny piešachodny pierachod i časovy piešachodny pierachod u adnym uzroŭni. U hetych metach na ŭčastku MKAD, nasuprać časovaha piešachodnaha pierachodu, buduć ustanoŭleny darožnyja znaki, jakija abmiažoŭvajuć maksimalnuju chutkaść ruchu da 50 km/hadz i zabaraniajuć prypynak transpartnych srodkaŭ. U suviazi z umovami nadvorja časovaja stajanka na pole nasuprać mohiłak arhanizavana nie budzie.

Maskoŭskija mohiłki:

Stajanka transpartu naviedvalnikaŭ budzie arhanizavana z vykarystańniem haściavych stajanak, a taksama na ŭčastku praśpiekta Niezaležnaści nasuprać mohiłak. U hetych metach buduć ustanoŭleny adpaviednyja darožnyja znaki, a taksama abmiežavana chutkaść da 40 km/hadz.

• 0
• 0
• 0
• 0
• 0
• 0
• 0
• 0