U sud spravu biełaruskaha madeljera nakirujuć tolki praź niekalki miesiacaŭ.
Pra heta paviedamiŭ staršynia Śledčaha kamiteta Bałarusi Valeryj Vakulčyk u intervju «Sovietskoj Biełorusii».
«Sprava dakładnaja, zrazumiełaja, tam niama nijakich składanaściaŭ. Ciapier zakančvajecca bujnaja revizija, užo vyjaŭlena, što naniesienaja Varłamavym škoda składaje kala 1 miljarda rubloŭ. Adzinaja prablema zaklučajecca ŭ vialikaj kolkaści paciarpiełych. Jon źbiraŭ hrošy ŭ socień ludziej, dzieci jakich zajmalisia ŭ hetym ahienctvie.
Patrebna, akramia praviadzieńnia haspadarčych revizij, nieadnarazova dapytać 300 čałaviek. Ja dumaju, nam spatrebicca jašče niekalki miesiacaŭ, kab zaviaršyć hetuju pracu i nakirvać spravu ŭ sud».
Alaksandr Varłamaŭ byŭ źmieščany pad vartu 20 maja 2011 hoda.
Jamu pradjaŭleny abvinavačańni va ŭčynieńni złačynstvaŭ, praduhledžanych č. 4 art. 209 (machlarstva, ździejśnienaje hrupaj asobaŭ albo ŭ asabliva bujnym pamiery), č. 3 art. 210 (kradziež šlacham złoŭžyvańnia słužbovymi paŭnamoctvami ŭ bujnym pamiery), č. 3 art. 426 (pieravyšeńnie ŭłady i słužbovych paŭnamoctvaŭ) KK.
Ustanoŭlena, što, budučy padmanutymi, baćki pieradavali Varłamavu hrošy dla apłaty prajezdu dziaciej za miažu, ich pražyvańnia, a taksama na inšyja raschody. U toj ža čas finansavańnie hetych raschodaŭ ažyćciaŭlałasia za košt biudžetnych srodkaŭ i srodkaŭ BDU.
***
Alaksandr Varłamaŭ źjaŭlaŭsia dyrektaram PUP «Ahienctva mody Sašy Varłamava», mastackim kiraŭnikom Centra sučasnaha stylu i mody UNIVERSUM MODELS upraŭleńnia pa spravach kultury BDU, namieśnikam staršyni arhanizacyjnaha kamiteta respublikanskaha fiestyvalu-konkursu mody i fota «Młyn mody», načalnikam Centra maładziožnaj mody BDU.
Ciapier čytajuć
«Chaču ŭziać intervju» — «Nie» — «Davajcie ja vas sfatahrafuju» — «Nie». Bialacki raskazaŭ pra sustreču ŭ kałonii z Pratasievičam8
Kamientary