У суд справу беларускага мадэльера накіруюць толькі праз некалькі месяцаў.
Пра гэта паведаміў старшыня Следчага камітэта Баларусі Валерый Вакульчык у інтэрв’ю «Советской Белорусіі».
«Справа дакладная, зразумелая, там няма ніякіх складанасцяў. Цяпер заканчваецца буйная рэвізія, ужо выяўлена, што нанесеная Варламавым шкода складае каля 1 мільярда рублёў. Адзіная праблема заключаецца ў вялікай колькасці пацярпелых. Ён збіраў грошы ў соцень людзей, дзеці якіх займаліся ў гэтым агенцтве.
Патрэбна, акрамя правядзення гаспадарчых рэвізій, неаднаразова дапытаць 300 чалавек. Я думаю, нам спатрэбіцца яшчэ некалькі месяцаў, каб завяршыць гэтую працу і накірваць справу ў суд».
Аляксандр Варламаў быў змешчаны пад варту 20 мая 2011 года.
Яму прад’яўлены абвінавачанні ва ўчыненні злачынстваў, прадугледжаных ч. 4 арт. 209 (махлярства, здзейсненае групай асобаў альбо ў асабліва буйным памеры), ч. 3 арт. 210 (крадзеж шляхам злоўжывання службовымі паўнамоцтвамі ў буйным памеры), ч. 3 арт. 426 (перавышэнне ўлады і службовых паўнамоцтваў) КК.
Устаноўлена, што, будучы падманутымі, бацькі перадавалі Варламаву грошы для аплаты праезду дзяцей за мяжу, іх пражывання, а таксама на іншыя расходы. У той жа час фінансаванне гэтых расходаў ажыццяўлялася за кошт бюджэтных сродкаў і сродкаў БДУ.
***
Аляксандр Варламаў з’яўляўся дырэктарам ПУП «Агенцтва моды Сашы Варламава», мастацкім кіраўніком Цэнтра сучаснага стылю і моды UNIVERSUM MODELS упраўлення па справах культуры БДУ, намеснікам старшыні арганізацыйнага камітэта рэспубліканскага фестывалю-конкурсу моды і фота «Млын моды», начальнікам Цэнтра маладзёжнай моды БДУ.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары