Biełaruskaja partyja levych "Spraviadlivy śviet" prymie kančatkovaje rašeńnie ab farmacie svajho ŭdziełu ŭ parłamienckich vybarach u červieni, paśla abviaščeńnia daty ich praviadzieńnia. Pra heta paviedamiŭ lidar partyi Siarhiej Kalakin 27 krasavika na pres-kanfierencyi ŭ Minsku.
Pavodle jaho słoŭ, partyja razumieje, što spraviadlivych vybaraŭ u Biełarusi niama. "Ale my taksama razumiejem, što niezaležna ad našaj pazicyi palityčnaja vybarčaja kampanija ŭ Biełarusi budzie praviedziena. Tamu nam treba vyznačycca, jak vykarystoŭvać hety čas dla realizacyi svaich metaŭ", — skazaŭ palityk.
Kalakin paviedamiŭ, što kiraŭnictva partyi prytrymlivajecca idei ŭdziełu va ŭsich etapach vybarčaj kampanii: vyłučeńni pradstaŭnikoŭ va ŭčastkovyja kamisii i kandydataŭ u deputaty, udzieł u nazirańni. "Niaŭdzieł u vybarach stanie časam upuščanych mahčymaściaŭ dla apazicyi. Našy kandydaty ŭ deputaty zmohuć vystupić pa telebačańni i radyjo, sustrakacca z vybarščykami. My nie pavinny hublać šans zavajavać prychilnikaŭ", — skazaŭ jon.
Pavodle mierkavańnia Kalakina, navat viedajučy, što hałasy, chutčej za ŭsio, buduć ukradzienyja, vybarščyku nieabchodna dać na vybarach alternatyvu i pasprabavać zavajavać jaho davier.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary