MUS pra Jeŭra-2012 u Polščy: Pasłableńnia vizavaha režymu nie budzie

Ministerstva ŭnutranych spraŭ Biełarusi abnarodavała rekamiendacyi balelščykam, jakija vyjazdžajuć na čempijanat Jeŭropy pa futbole (8 červienia — 1 lipienia) u Polšču.

MUS nahadvaje, što ŭ dačynieńni da hramadzian Biełarusi dziejničaje poŭnamaštabny vizavy režym pajezdak u Polšču. U suviazi z hetym nieabchodna pakłapacicca ab atrymańni vizy abo inšaha dazvołu na ŭjezd na terytoryju susiedniaj krainy svoječasova i być uvažlivymi pry vybary vizavych pasrednikaŭ.

U adpaviednaści z pałažeńniami Vizavaha kodeksa Jeŭrapiejskaha sajuza chadajnictva ab vydačy vizy moža być padadziena nie raniej čym za try miesiacy da zapłanavanaj pajezdki. Infarmacyja ab paradku atrymańnia viz u zamiežnych ustanovach Polščy ŭ Biełarusi raźmieščana na sajcie pa adrasu: http://www.minsk.polemb.net/.

Na praciahu ŭsiaho času znachodžańnia ŭ krainie pry sabie nieabchodna mieć:

- sapraŭdny pašpart abo inšy dakumient, jaki jaho zamianiaje, pryznačany dla vyjezdu za miažu (dalej — dakumient dla vyjezdu za miažu);

- sapraŭdnuju vizu abo inšy dakumient, jaki daje prava na znachodžańnie na terytoryi Polščy;

- kopiju dakumienta, jaki pasłužyŭ padstavaj dla atrymańnia vizy abo inšaha dakumienta, jaki daje prava na znachodžańnie na terytoryi Polščy;

- hrašovyja srodki abo dokazy ich najaŭnaści z nastupnych raźlikaŭ: dla asob, jakim bolš za 16 hadoŭ, — 100 polskich złotych na kožny dzień znachodžańnia, ale nie mienš čym 500 polskich złotych abo raŭnaznačnuju sumu ŭ inšaj zamiežnaj valucie; dla asob da 16 hadoŭ — 50 polskich złotych na kožny dzień znachodžańnia, ale nie mienš čym 300 polskich złotych abo raŭnaznačnuju sumu ŭ inšaj zamiežnaj valucie;

- sapraŭdny strachavy polis.

MUS zaklikaje hramadzian nie ekanomić na miedycynskaj strachoŭcy. Jaje najaŭnaść na praktycy źjaŭlajecca adzinaj realnaj mahčymaściu paźbiehnuć surjoznych asabistych zatrat u vypadku nieabchodnaści akazańnia miedycynskaj dapamohi (dzień znachodžańnia ŭ balnicy, bieź lačeńnia, pracedur i analizaŭ, kaštuje kala 100 jeŭra).

"U vypadku straty dakumientaŭ dla vyjezdu za miažu, a taksama kali vy stali achviaraj rabavańnia, kradziažu, trapili ŭ inšuju ekstremalnuju situacyju — źviarniciesia ŭ najbližejšuju konsulskuju ŭstanovu Respubliki Biełaruś, hatovuju akazać nieabchodnuju konsulska-pravavuju dapamohu", — havorycca ŭ paviedamleńni MUS.

• 0
• 0
• 0
• 0
• 0
• 0
• 0
• 0