Міністэрства абнародавала рэкамендацыі заўзятарам.
Міністэрства ўнутраных спраў Беларусі абнародавала рэкамендацыі балельшчыкам, якія выязджаюць на чэмпіянат Еўропы па футболе (8 чэрвеня — 1 ліпеня) у Польшчу.
МУС нагадвае, што ў дачыненні да грамадзян Беларусі дзейнічае поўнамаштабны візавы рэжым паездак у Польшчу. У сувязі з гэтым неабходна паклапаціцца аб атрыманні візы або іншага дазволу на ўезд на тэрыторыю суседняй краіны своечасова і быць уважлівымі пры выбары візавых пасрэднікаў.
У адпаведнасці з палажэннямі Візавага кодэкса Еўрапейскага саюза хадайніцтва аб выдачы візы можа быць пададзена не раней чым за тры месяцы да запланаванай паездкі. Інфармацыя аб парадку атрымання віз у замежных установах Польшчы ў Беларусі размешчана на сайце па адрасу: http://www.minsk.polemb.net/.
На працягу ўсяго часу знаходжання ў краіне пры сабе неабходна мець:
- сапраўдны пашпарт або іншы дакумент, які яго замяняе, прызначаны для выезду за мяжу (далей — дакумент для выезду за мяжу);
- сапраўдную візу або іншы дакумент, які дае права на знаходжанне на тэрыторыі Польшчы;
- копію дакумента, які паслужыў падставай для атрымання візы або іншага дакумента, які дае права на знаходжанне на тэрыторыі Польшчы;
- грашовыя сродкі або доказы іх наяўнасці з наступных разлікаў: для асоб, якім больш за 16 гадоў, — 100 польскіх злотых на кожны дзень знаходжання, але не менш чым 500 польскіх злотых або раўназначную суму ў іншай замежнай валюце; для асоб да 16 гадоў — 50 польскіх злотых на кожны дзень знаходжання, але не менш чым 300 польскіх злотых або раўназначную суму ў іншай замежнай валюце;
- сапраўдны страхавы поліс.
МУС заклікае грамадзян не эканоміць на медыцынскай страхоўцы. Яе наяўнасць на практыцы з'яўляецца адзінай рэальнай магчымасцю пазбегнуць сур'ёзных асабістых затрат у выпадку неабходнасці аказання медыцынскай дапамогі (дзень знаходжання ў бальніцы, без лячэння, працэдур і аналізаў, каштуе каля 100 еўра).
"У выпадку страты дакументаў для выезду за мяжу, а таксама калі вы сталі ахвярай рабавання, крадзяжу, трапілі ў іншую экстрэмальную сітуацыю — звярніцеся ў найбліжэйшую консульскую ўстанову Рэспублікі Беларусь, гатовую аказаць неабходную консульска-прававую дапамогу", — гаворыцца ў паведамленні МУС.
Цяпер чытаюць
Малады работнік «Мінск-Арэны» павінен заплаціць 71 мільён даляраў2
Каментары