«Mahčyma, jamu stała drenna i jon prosta ŭpaŭ u vadu».
Były ministr naftazdabyŭnaj pramysłovaści Livii Šukry Haniem znojdzieny miortvym u Dunai ŭ rajonie aŭstryjskaj stalicy Vieny. Jak paviedamlaje miascovaja palicyja, prykmiet hvałtu na ciele nie vyjaŭlena.
Paviedamlajecca, što 69-hadovy Haniem (byŭ ministram va ŭradzie Muamara Kadafi, a paśla revalucyi ŭ Livii pracavaŭ kansultantam u adnoj z kampanij u Vienie) syšoŭ z chaty ranicaj u «zvyčajnaj paŭsiadzionnaj vopratcy».
Ź Livii Šukri Haniem źjechaŭ u razhar masavych antyŭradavych paŭstańniaŭ u minułym hodzie.
Na toj momant jon z asudžeńniem vykazvaŭsia ad pralićcia kryvi ŭ Livii, zajaŭlajučy, što situacyja ŭ krainie stała nievynosnaj. Z 2003 pa 2006 hod jon zajmaŭ pasadu premjer-ministra Livii, a zatym — až da 2011 hoda — kresła ministra naftazdabyŭnaj pramysłovaści.
Pa słovach pradstaŭnika palicyi, Šukry Haniem byŭ apranuty, adnak nijakich dakumientaŭ pry im vyjaŭlena nie było, kali nie ličyć papiery, u jakich była ŭkazana nazva kampanii, dzie jon pracavaŭ. Palicyja źviazałasia z pradstaŭnikami kampanii, i Haniema apaznaŭ adzin z kalehaŭ.
«Mahčyma, jamu stała drenna i jon prosta ŭpaŭ u vadu», — dadaŭ palicejski.
Kamientary