Navat astranomy znachodziacca ŭ razhublenaści.
Na hetych vychadnych ludzi zmohuć pabačyć adrazu dźvie niezvyčajnyja niabiesnyja źjavy -- mietyjarytny doždž i supierpoŭniu. Astranomy krychu razhublenyja z-za taho, što abiedźvie źjavy praktyčna supaduć pa časie, adna kaśmičnaja źjava moža zaćmić druhuju.
U subotu, 5 maja, naša płanieta apyniecca ŭ zonie ruchu akvarydaŭ -- mieteoraŭ, jakija źjavilisia z chvasta znakamitaj kamiety Haleja. Jana pralacieła kala Ziamli jašče ŭ 1986 hodzie i zaraz znachodzicca za arbitaj Urana, ale jaje častki praciahvajuć padać na ziamnuju pavierchniu. Čakajecca, što mieteory, jakija ŭ vialikaj kolkaści apynucca kala Ziamli, buduć ulatać u ščylnyja słai atmaśfiery i zharać.
Akvarydami hetyja mieteory zavucca tamu, što kali u čas ich padzieńnia hladzieć na nieba ŭ bok zachada, vizualna pačnie zdavacca, što jany vylatajuć z suzorja Vadaleja. Traplajučy ŭ atmaśfieru, akvarydy buduć zharać prykładna na vyšyni 85 kiłamietraŭ, tamu nijakaj niebiaśpieki niama.
U noč z 5 na 6 maja, kali nieba budzie jasnym, va ŭsioj pryhažości pakažacca poŭnia, jakaja budzie nievierahodna bujnoj.
Sprava ŭ tym, što naš spadarožnik padydzie da Ziamli na minimalnuju sioleta adlehłaść.Takoje spałučeńnie poŭni ź blizkaściu da płaniety nazyvajuć supierpoŭniaj.
Supierpoŭnia źniešnie padajecca prykładna na 14% bolš za zvyčajnuju, jana našmat jarčej, a arbita krychu vyciahnutaja. Jaje jarkaść, dapuskajuć śpiecyjalisty, moža zaćmić navat doždž z akvarydaŭ.
Zvyčajna supierpoŭnia supravadžajecca uzmacnieńniem hravitacyjnaha ŭździejańnia Miesiaca na Ziamlu, a z-za hetaha mohuć adbycca niepradkazalnyja pracesy ŭ niedrach. Naprykład, za niekalki dzion da papiaredniaj supierpoŭni adbyŭsia ziemlatrus u Japonii, jaki vyklikaŭ cunami.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?21
Kamientary