Miaśnikovič biarecca za adukacyju

Prem'jer-ministr Michaił Miaśnikovič daručyŭ Minadukacyi i zacikaŭlenym ministerstvam i viedamstvam vyrašyć pytańni kadravaha zabieśpiačeńnia sistemy ahulnaj i siaredniaj adukacyi. Ab hetym jon zajaviŭ 4 maja na pasiadžeńni Prezidyuma Saŭmina, dzie razhladaŭsia chod vykanańnia prahramy raźvićcia ahulnaj siaredniaj adukacyi Biełarusi na 2007–2016 hady.

Pavodle słoŭ kiraŭnika ŭrada, u asobnych rehijonach adčuvajecca niedachop kadraŭ u škołach. «Kali hladziš materyjały, bačyš: nie chapaje nastaŭnikaŭ infarmatyki, fiziki, matematyki, zamiežnaj movy, — kanstatavaŭ jon. — Sistema dla siabie rychtuje kadry i rychtuje niedastatkova, nie pracuje nad zamacavańniem hetych kadraŭ».

Michaił Miaśnikovič adznačyŭ, što pytańni kadravaha zabieśpiačeńnia, pavyšeńnia jakaści adukacyi, abstalavańnia ŭstanoŭ adukacyi, asabliva pytańni raźvićcia sučasnaha infarmacyjnaha asiarodździa, patrabujuć bolš uvahi. «My pavinny iści ŭ nahu z časam i navat z peŭnym apiaredžańniem u hetym płanie», — padkreśliŭ jon.

Analizujučy vyniki vykanańnia prahramy raźvićcia ahulnaj siaredniaj adukacyi ŭ Biełarusi z punktu hledžańnia finansavańnia jaje mierapryjemstvaŭ, prem'jer-ministr źviarnuŭ uvahu, što tolki respublikanski biudžet vykanaŭ svaje abaviazacielstvy pa prahramie. «Kali havaryć pra abłasnyja i miascovyja biudžety, to, na žal, heta tolki 20 pracentaŭ. Horš za ŭsich vyhladajuć Viciebskaja i Bresckaja vobłaści (u dva razy nižej za hety ŭzrovień)», — kanstatavaŭ jon. U abłasnych biudžetach znachodziacca srodki dla padtrymańnia tych ci inšych prajektaŭ, stvareńnia i madernizacyi vytvorčaści, budaŭnictva, adnak adukacyi ŭdzialajecca niedastatkova ŭvahi. Razam z tym, na dumku Michaiła Miaśnikoviča, heta pytańnie patrabuje vyrašeńnia naraŭnie ź inšymi.

U svaju čarhu ministr adukacyi Siarhiej Maskievič adznačyŭ, što prahrama raźvićcia ahulnaj siaredniaj adukacyi nakiravana na stvareńnie ŭmoŭ dla dynamičnaha raźvićcia škoł.

U suviazi z uviadzieńniem u dziejańnie kodeksa ab adukacyi navučalny hod 2011–2012 hoda pačaŭsia praktyčna z całkam abnoŭlenaj narmatyŭna-pravavoj bazy ŭ śfiery ahulnaj adukacyi. «Ahulnaja i siaredniaja adukacyja zabiaśpiečana navučalna-praktyčnaj i navučalna-mietadyčnaj dakumientacyjaj u poŭnym abjomie, — padkreśliŭ prem'jer-ministr. — Siońnia my majem kamplekt nacyjanalnych padručnikaŭ dla siaredniaj škoły». Siarhiej Maskievič nahadaŭ pra pravodzimy ŭ Biełarusi ekśpierymient pa aprabacyi madeli navučańnia školnikaŭ z vykarystańniem indyvidualnych elektronnych ustrojstvaŭ. «Na praciahu dvuch hadoŭ u krainie płanujecca stvaryć kompleks elektronnych resursaŭ pa navučalnych pradmietach», — paviedamiŭ kiraŭnik Ministerstva adukacyi.

• 0
• 0
• 0
• 0
• 0
• 0
• 0
• 0