A 16-j hadzinie Źmicier Bartosik sam patelefanavaŭ na «Svabodu» i paviedamiŭ, što jaho vyzvalili. Ihara Simbirova asudzili na 15 sutak. Takoje rašeńnie 8 traŭnia pryniaŭ sud Mienskaha rajonu.
Praŭda, znachodzicca za kratami bardu pryjdziecca na adny sutki mieniej, pakolki sud zaličyŭ jamu adny sutki, jak adsiedžanyja, kali Ihar z 6 na 7 traŭnia znachodziŭsia ŭ rajonnym centry izalacyi pravaparušalnikaŭ.
Sud nad Simbirovym pačaŭsia jašče ŭčora, ale tady pasiedžańnie pierarvali da 18 traŭnia. Siońnia śpievaka niečakana znoŭ pryvieźli ŭ toj ža sud. I vynieśli verdykt — 15 sutak aryštu.
Bardy Źmicier Bartosik i Ihar Simbiroŭ išli 8 traŭnia kala 13 hadzin u studyju hukazapisu. Na praspekcie Niezaležnaści, niepadalok ad ofisa MTS na ich napali nieviadomyja. Bartosika dastavili ŭ RUUS Pieršamajskaha rajonu, Simbirova — u sud Mienskaha rajonu.
6 traŭnia bardaŭ užo zatrymlivali na adpačynku na pryrodzie niepadalok ad Ždanovičaŭ. 7 traŭnia ŭ Mienskim rajonnym sudzie razhladałasia administracyjnaja sprava aktyvista kampanii «Havary praŭdu», barda Ihara Simbirova. Z-za niedachopu śviedak-milicyjantaŭ praces adkłali na 18 traŭnia.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary