Biełaruski vopyt stvareńnia ahraharadkoŭ budzie vykarystany ŭ budaŭnictvie nasielenych punktaŭ u Vieniesuele. Heta adznačyŭ u hutarcy z karespandentam BIEŁTA Časovy Pavierany ŭ spravach Balivaryjanskaj Respubliki Vieniesueła ŭ Biełarusi Amieryka Dyjas Nuńjes.
Pavodle jaho słoŭ, ciapier Biełaruś i Vieniesueła abmiarkoŭvajuć pytańni prajektavańnia i budaŭnictva z udziełam biełarusaŭ nie tolki ŭ stalicy Karakasie, ale i ŭ nievialikich vieniesuelskich haradkach. Dypłamat ličyć, što halina budaŭnictva i prajektavańnia vielmi pierśpiektyŭnaja dla dvuchbakovaha supracoŭnictva. Vopyt prafiesijnych biełaruskich budaŭnikoŭ vielmi zapatrabavany ŭ Vieniesuele z ulikam ekanamičnaha raźvićcia krainy.
U Vieniesuele ź vizitam da 25 sakavika znachodzicca ŭradavaja delehacyja Biełarusi na čale ź Dziaržaŭnym sakratarom Savieta Biaśpieki, sustaršynioj biełaruska‑vieniesuelskaj sumiesnaj kamisii vysokaha ŭzroŭniu Viktaram Šejmanam. Adno z pytańniaŭ, jakoje treba abmierkavać na pierahavorach u Vieniesuele, — supracoŭnictva ŭ halinie architektury i budaŭnictva.
Kamientary