Z 14 maja i da kanca leta zakryvajecca vulica Umanskaja
Patrebna dabudavać ŭvachody na stancyju mietro «Michałova».
Minharvykankam padrychtavaŭ rašeńnie ab zakryćci z 14 maja vulicy Umanskaj. Heta źviazana ź nieabchodnaściu čarhovaha etapu rabot pa budaŭnictvu mietro ŭ paŭdniova-zachodnim nakirunku. Patrebna zaviaršyć zbudavańnie uvachodaŭ i vientylacyjny kanał stancyi «Michałova», a taksama rekanstrujavać skryžavańnie vulic Umanskaja i Hurkskaha z praśpiektam Dziaržynskaha.
Aproč taho, z 28 maja budzie pierakryty i ŭčastak vulicy Jasienina.
U suviazi z hetym buduć źmienienyja niekatoryja aŭtobusnyja i tralejbusnyja maršruty. Naprykład, aŭtobusy №57 buduć ruchacca pa pr. Žukava, vuł. Čyhunačnaj i Siamaški ŭ abodvuch napramkach biez prypynkaŭ na źmienienym učastku
Trasa tralejbusnaha maršrutu № 38 z boku DS «Słavinskaha» pralaža da DS "Sucharava" pa vuł. Panamarenka, Šaranhoviča, Łabanka. Maršruty № 10 i 31 skaračajucca z boku vuł. Hurskaha da prypynku «Umanskaja» z razvarotam na skryžavańni pr. Dziaržynskaha i Žukava. Ruch tralejbusaŭ maršrutaŭ № 8 i №63 arhanizujecca da razvarotnaha kalca «Babrujskaja" z rucham pa vuł. Hurskaha, pr. Dziaržynskaha, vuł. K. Cetkin, Babrujskaj ŭ abodvuch napramkach. A voś tralejbusnyja maršruty № 45 i 47 zakryvajucca.
Na pieryjad dziejańnia hetych źmienaŭ
arhanizujecca časovy aŭtobusny maršrut № 198S «St. m. «Puškinskaja» - DS «Siamaški».Jaho trasa projdzie pa vuł. Prytyckaha, pr. Puškina, Žukava, vuł. Čyhunačnaj, Siamaški ŭ abodvuch napramkach.
Miarkujecca, što
pracy buduć skončanyja da 1 vieraśnia 2012 hoda.
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary