Hans‑Hiert Pioterynh: «Ščyra vieru, što nadydzie dzień, kali Biełaruś narešcie stanie svabodnaj, demakratyčnaj i adkrytaj krainaj».
Hans‑Hiert Pioterynh: Dla Biełarusi nastupaje vyrašalny momant
Staršynia Jeŭrapiejskaha parłamientu Hans‑Hiert Pioterynh (Hans‑Gert Pottering) nakiravaŭ vinšavańni z nahody 25 sakavika Alaksandru Milinkieviču i biełaruskamu narodu.
— Dla Biełarusi nastupaje vyrašalny momant, kali jana musić vybrać — albo ruchacca ŭ bok supracoŭnictva ź Jeŭrasajuzam, jak heta zrabili Hruzija i Ukraina, albo zastavacca jašče bolš izalavanaj u jakaści apošniaj jeŭrapiejskaj dyktatury, — adznačajecca ŭ liście staršyni Jeŭraparłamientu lideru demakratyčnych siłaŭ Alaksandru Milinkieviču.
Hans‑Hiert Pioterynh padkreśliŭ, što «śviatkavańnie Dnia Voli budzie važnym testam dla režyma Łukašenki i pakaža Jeŭropie nakolki surjoznymi źjaŭlajucca jahonyja niadaŭnija słovy adnosna zbližeńnia ź Jeŭropaj.»
«Niahledziačy na tryvožnyja sihnały, jakija iduć ź Minska pra cisk na hramadzianskuju supolnaść dy pieraśled apazicyi i navat jašče bolšaje paharšeńnie situacyi z pravami čałavieka, ja zastajusia aptymistam i ščyra vieru, što nadyjdzie dzień, kali Biełaruś narešcie stanie svabodnaj, demakratyčnaj i adkrytaj krainaj», — dadaŭ staršynia Jeŭrapiejskaha parłamientu Hans‑Hiert Pioterynh u liście da lidera demakratyčnych siłaŭ Alaksandra Milinkieviča.
 Alaksandar Milinkievič i Hans‑Hiert Pioterynh u časie sustrečy 20 červienia 2006 hodu. |
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju14
Kamientary