Baradač: 80% prychilnikaŭ taho, kab pastavić mianie na čale arhkamiteta
Inicyjatar stvareńnia ŭrada ŭ vyhnańni: «My budziem vybirać lidaraŭ, jakich nie spynić strach ni za siabie, ni za siamju».
Pałkoŭnik śpiecnaza ŭ adstaŭcy Uładzimir Baradač, jaki ciapier žyvie ŭ Niamieččynie, vykazaŭsia za stvareńnie aficerami i byłymi supracoŭnikami śpiecsłužbaŭ «pierachodnaha ŭrada ŭ vyhnańni». Jak budzie realizavany hety prajekt, jakija jaho mety?
— Nad hetym prajektam my pracujem užo kala hoda. Jon bolš šyroki, čym jaho ciapier pradstaŭlajuć.Vy bačycie, my ŭstryvožyli ŭsich. Ciapier treba razabracca, chto suprać režymu i chto za režym. U tym liku i ŭ apazycyi, jakaja ličyć siabie apazicyjaj, ale robić kankretnyja kroki ŭ padtrymku režymu. Adrazu paśla 19 śniežnia my zrabili ŭpor na stvareńnie cieniavoha kabinieta. Čamu? Bo vybary nie adbylisia, prezident nie lehitymny. My byli b u stanie zrabić pierachodny ŭrad, jaki byŭ by takim ža lehitymnym, jak i naš prezident.
Uvieś hety kaściak pavinien byŭ pracavać na abjadnańnie paśla vybaraŭ usich praciŭnikaŭ režymu.U vyniku ničoha nie atrymałasia. Navat niechta nie zmoh prystojna vyjści i praciahnuć baraćbu.
My ciapier šukajem lidaraŭ. Navat abjaŭlajem konkurs. My budziem vybirać lidaraŭ, jakich nie spynić strach ni za siabie, ni za siamju. Nieabchodnaja struktura, jakaja najpierš niepadkantrolnaja śpiecsłužbam. Ale hetaja struktura pavinna strukturavacca pa typie cieniavoha kabinieta.
Siońnia prajšli dva schody: u Polščy i ŭ Litvie — zastałosia pravieści jašče dva arhanizacyjnyja schody. I my ciapier vyrašajem, jakoj pavinna być hetaja arhanizacyja.
Navat dumajem nad nazvaj. Heta budzie albo Front nacyjanalnaha adradžeńnia albo Rada nacyjanalnaha adradžeńnia.I strukturnyja padraździaleńni. Meta — abjadnańnie ŭsich antyrežymnych siłaŭ.
Heta nie aznačaje, što my vystupajem suprać niejkaj partyi. My kažam pra pradažnaść asobnych lidaraŭ.
Ja prapanuju stvaryć prafiesijnuju arhanizacyju i padychodzić da baraćby za demakratyčnyja pieraŭtvareńni ŭ krainie taksama sistemna.Hetak ža, jak i zmahajucca suprać nas.
My prapanujem abjadnać usie demsiły ŭ krainie i pradjavić ultymatum Łukašenku. Nakačać takuju siłu, kab pasadzić jaho za stoł pieramovaŭ.
My vymušanyja budziem ačolić, kali nie padbiarom narmalnych lidaraŭ. Niedzie 80% prychilnikaŭ taho, kab pastavić mianie na čale arhkamiteta. Potym my prapanujem hetyja napracoŭki ŭsim praciŭnikam režymu. Alternatyvy našamu prajektu niama. Jaje nichto navat i nie prapanavaŭ.
— Adnosna vašaj inicyjatyvy Zianon Paźniak zajaviŭ, što arhanizujecca psieŭdanacyjanalny ŭrad i vakoł hetaha «ŭrada» źbiarecca psieŭdaemihracyja. Jak vy heta prakamentujecie?
— Zianon Paźniak vielmi dobra viedaje mianie. Viedaje, na što ja zdolny. Adzinaje, ja nie zdolny na zdradnictva. Ja hetym nie zajmaŭsia b, kali b mnie nie vieryli ludzi, jakija zastalisia ŭ Biełarusi.
Paźniak — heta samy złosny idejny vorah Łukašenki. Ale Łukašenka siońnia prajhraŭ idealohiju, palityku, ekanomiku. Jon prajhraŭ usio. Jon źniščyŭ našu biełaruskaść, biełaruskuju kulturu. Ciapier dabivaje movu. Tut jon prajhraŭ i Paźniaku.
My zychodzim z realnaj acenki situacyi, praciŭnika, chaŭruśnika našaha praciŭnika.
Razvalić režym moža tolki strukturavanaja arhanizavanaja siła. Sistemnaja siła. I tolki ź siłaj Łukašenka siadzie za stoł pieramovaŭ i vykanaje ŭmovy, prapanavanyja nami dla biezumoŭnaj kapitulacyi. Bolš niama nijakich varyjantaŭ vyrašyć hetaje pytańnie ŭ Biełarusi.
Paźniak usio pravilna skazaŭ. Ale jon nie razumieje taho, što my prapanujem u cełym.Realna apazicyi niama. Usie siły śpiecsłužbaŭ nakiravanyja na pracu pa ofisach. I jany pracujuć tut, i davoli paśpiachova. I ŭ hetym jon maje racyju. Jon tolki nie maje racyi, što Vik vykazaŭ ideju stvareńnia struktury. Hetuju ideju vykazaŭ i ministr zamiežnych spraŭ Litvy. Čas cieniavoha kabinieta ŭžo prajšoŭ.
My stvarajem strukturu, instrumient, jaki zdolny procistajać.
Akaŭnt Kabančuka ŭzłamali — ale ci biełaruskija śpiecsłužby?11
Kamientary