Užo jość pieršyja vyniki pakazaŭ na Kanskim kinafiestyvali.
Jak paviedamili ŭ Polskaj dziaržaŭnaj kinastudyi (WFDIF), užo jość pieršyja vyniki pakazaŭ na Kanskim kinafestyvali. Filmam zacikavilisia dystrybutary ŭ Čechii.
Film apaviadaje pra sučasnuju Biełaruś.
Maładoha rok-muzyku Mirona Zacharku zabirajuć u vojska, a hurt traplaje ŭ čornyja śpisy. U vojsku jon pačynaje vieści dziońnik u internecie, dzie apisvaje dziedaŭščynu i ŭmovy słužby. Dziońnik pierarastaje ŭ adkrytaje supraćstajańnie z režymam.
Film «Žyvie Biełaruś» zdymaŭsia ŭ listapadzie-śniežni 2011 hoda ŭ Polščy. Trejler filma byŭ pakazany na Bierlinskim kinafestyvali ŭviesnu 2012. Heta dapamahło filmu trapić na kinakirmaš u Kany.
Pradukcyja: Polskaja dziaržaŭnaja kinastudyja mastackich i dakumientalnych filmaŭ (WFDIF) i francuzski Canal +.
Režysior — Kšyštaf Łukaševič. Mastacki kiraŭnik, scenahrafija — Andžej Haliński (žyvie ŭ Kanadzie). Apieratar — Vitald Stok (Vialikabrytanija) (sieryjał «Zakon Merfi», «As if», «The Match»). Scenar — biełaruski žurnalist i aktyvist Franak Viačorka i Kšyštaf Łukaševič.
U rolach: Źmicier «Vinsent» Papko («Vyšej za nieba»), Alaksandr Małčanaŭ (Kupałaŭski teatar, a taksama «Kamienskaja», «Akupacyja. Misteryi», «Ciomnaja noč» i inš.), Raman Padalaka (Kupałaŭski teatar, a taksama «Ślapoje ščaście», «Na biezymiennaj vyšyni», «Eryk 14»), Anatol Kot («Akupacyja. Misteryi», «Nastaśsia Słuckaja», «Marhoša», sieryjał «Sałdaty» i h.d.), Dzianis Tarasienka (Svabodny teatr, a taksama «Franc i Palina», «Marho. Ahniavy kryž», «Kapitan Hardziejeŭ» i inš.), Alaksandr Pamidoraŭ (šoumen), Karalina Hruška («Kisłarod», «Kapitanskaja dačka», «U žniŭni 44-ha») i inš.
Premjerny pakaz filma adbyŭsia na Kanskim kinafestyvali ŭ miežach kinakirmaša 22 maja. Fiestyvalnaja i suśvietnaja premjera zapłanavanyja na vierasień.
Načalnik milicyi Brahina stralaŭ u svaju žonku. Jana cudam vyžyła9
Kamientary