Zatrymanych u parku Horkaha karespandentaŭ pratrymali ŭ milicyi try hadziny.
Zatrymanych 1 červienia ŭ minskim parku Horkaha teležurnalistak Volhu Čajčyc i Taćcianu Biełašovu pratrymali ŭ milicyi prykładna try hadziny.
Žurnalistki, nahadajem, byli zatrymany padčas padrychtoŭki repartažu, pryśviečanaha Mižnarodnamu dniu abarony dziaciej. Jak raskazała Volha Čajčyc, da ich padyšoŭ supracoŭnik milicyi i pacikaviŭsia paśviedčańniami, potym pahavaryŭ z kimści pa racyi i paprasiŭ dziaŭčat prajści ź im.
U adździaleńni milicyi ŭ žurnalistak uziali tłumačeńni.
Zatym źjaviŭsia supracoŭnik KDB, jaki pažadaŭ pahavaryć z kožnaj ź dziaŭčat. Na prośbu Čajčyc nazvacca jon nie adreahavaŭ,ad čaho Volha admoviłasia ź im razmaŭlać. Prykładna hetak ža, pavodle jaje słoŭ, paviała siabie i Taćciana Biełašova. U vyniku dziaŭčat adpuścili ź milicyi.
Varta adznačyć, što ŭ kancy sakavika Čajčyc atrymała piśmovaje papiaredžańnie prakuratury Minska pra niedapuščalnaść parušeńnia zakanadaŭstva. Papiaredžańnie było vyniesiena za supracoŭnictva žurnalistki z polskim telekanałam «Biełsat», jaki viaščaje na Biełaruś. Volhu papiaredzili pra niezakonnaść pracy na zamiežnyja ŚMI, jakija nie majuć aficyjnaj akredytacyi ŭ Biełarusi.
Telekanał Biełsat nieadnarazova sprabavaŭ atrymać akredytacyju ŭ MZS Biełarusi, ale štoraz atrymlivaŭ admovu.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary