Aktyvist hramadzianskaj kampanii «Havary praŭdu!» Vasil Parfiankoŭ nakiravaŭ kasacyjnuju skarhu na pryhavor, vyniesieny jamu 29 maja, paviedamiła pravaabaronca Nasta Łojka.
Sudom Pieršamajskaha rajona Minska Parfiankoŭ byŭ pryznany vinavatym u parušeńni ŭmoŭ prafiłaktyčnaha nahladu i pryhavorany da šaści miesiacaŭ aryštu.
Adbyvać pakarańnie Parfiankoŭ pavinien u aryštnym domie, umovy ŭtrymańnia ŭ jakim bolš miakkija ŭ paraŭnańni z kałonijaj.Da ŭvachodžańnia pryhavoru ŭ siłu paśla jaho abskardžańnia asudžany budzie znachodzicca na voli.
***
Asudžany adbyvaŭ pakarańnie ŭ Aršanskaj papraŭčaj kałonii. 11 žniŭnia 2011 hoda Parfiankoŭ byŭ pamiłavany ŭkazam prezidenta. 19 krasavika hetaha hoda adździeł Śledčaha kamiteta Pieršamajskaha rajona Minska infarmavaŭ Parfiankova ab raspačynańni ŭ dačynieńni da jaho kryminalnaj spravy za parušeńnie ŭmoŭ prafiłaktyčnaha nahladu, ustanoŭlenaha sudom 5 studzienia terminam na hod.
Na dumku pravaachoŭnych orhanaŭ, Parfiankoŭ parušyŭ paradak vykanańnia ŭmoŭ previentyŭnaha nahladu, u pryvatnaści adsutničaŭ pa miescy žycharstva biez uvažlivaj pryčyny, za što dvojčy na praciahu hoda padviarhaŭsia administracyjnamu spahnańniu.
Parfiankoŭ patłumačyŭ, što vychodziŭ z doma ŭ mahazin na niekalki chvilin, kab kupić pradukty. «Sam previentyŭny nahlad, miarkuju, byŭ ustanoŭleny nada mnoj z metaj abmiežavać moj udzieł u hramadskaj dziejnaści. Nie liču, što, kali vyjšaŭ u mahazin, ja ŭčyniŭ złačynstva», — zajaviŭ Parfiankoŭ.
U skarzie jon prosić admianić pryhavor i zaznačaje, što hety pryhavor źviazany nie z parušeńniami prafiłaktyčnaha nahladu, a ź jaho hramadzianskaj pazicyjaj napiaredadni kampanii pa vybarach u Pałatu pradstaŭnikoŭ.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam19
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj
Kamientary