Biełaruski parłamient u pieršym čytańni razhladaje prajekt zakona «Ab miedyjacyi». Pra heta paviedamiŭ staršynia Vyšejšaha haspadarčaha suda Viktar Kamiankoŭ 19 červienia ŭ Minsku na naradzie, pryśviečanaj zaviaršeńniu piłotnaha prajekta pa raźvićci miedyjacyi ŭ krainie.
Jak rastłumačyŭ Kamiankoŭ, miedyjacyja — adna z alternatyŭnych form vyrašeńnia sprečak, jakaja ŭjaŭlaje saboju kanfidencyjalny pieramoŭny praces z udziełam niejtralnaj asoby — miedyjatara, jaki sadziejničaje bakam u pryniaćci ŭzajemavyhadnaha rašeńnia dla ŭrehulavańnia kanfliktu.
Paśla pryniaćcia zakona ab miedyjacyi zapłanavana raspracoŭka kryteryjaŭ adboru i paradku pryciahnieńnia haspadarčymi sudami ŭ prymirenčaj pracedury inšych asob u jakaści miedyjataraŭ.
Kamiankoŭ paviedamiŭ, što padčas realizacyi piłotnaha prajekta pa raźvićci miedyjacyi było praviedziena ankietavańnie ŭdzielnikaŭ pracesu. Pry hetym 95% apytanych spadabałasia miedyjacyja, i ŭ vypadku nieabchodnaści jany znoŭ hatovy źviarnucca da jaje.
Pazasudovyja miedyjatary atrymali praktyčny vopyt. «Pravavy ekśpierymient dazvoliŭ atrymać praktyčnyja źviestki ab prymianieńni instytuta miedyjacyi ŭ kamiercyjnych i inšych sprečkach z metaj padrychtoŭki prajekta zakona «Ab miedyjacyi», — adznačyŭ kiraŭnik VHS.
Jon skazaŭ, što na padstavie zakanadaŭstva sistema miedyjacyi isnuje ŭ Rasii, Kazachstanie, bolšaści krain Jeŭropy i ŭ ZŠA.
Jak paviedamiła kiraŭnik centra vyrašeńnia kanfliktaŭ Biełaruskaha respublikanskaha sajuza jurystaŭ Lilija Ułasava, padčas realizacyi piłotnaha prajekta razhlad sprečak pry dapamozie miedyjacyi pravodziŭsia na biaspłatnaj asnovie. Paśla pryniaćcia zakona, chutčej za ŭsio, heta pracedura budzie apłačvacca. «Ale, jak my ličym, zatraty buduć mienšyja, čym dziaržpošlina, jakuju vypłačvajuć istcy dla sudovaha razhladu sprečak», — padkreśliła jana.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie10
Kamientary