Alaksandr Łukašenka daručyŭ da vieraśnia padrychtavać prapanovy pa raźvićciu ŭ Biełarusi vienčurnaha finansavańniaHeta pytańnie abmiarkoŭvałasia 19 červienia ŭ čas rabočaj sustrečy z dyrektaram administracyi Parku vysokich technałohij Valeryjem Capkałam.
Łukašenku prainfarmavali ab raźvićci Parku vysokich technałohij. Sioleta pryrost ekspartu i abjom raspracoŭki kampjutarnych prahram vyras u paraŭnańni z anałahičnym pieryjadam 2011 hoda na 40%.
Asnoŭnaja ŭvaha ŭ chodzie rabočaj sustrečy była ŭdzielena stvareńniu novych mahčymaściej dla raźvićcia PVT. Heta najpierš raspracoŭka pravavych miechanizmaŭ, jakija dajuć mahčymaść stvarać pradukty ŭnutry parku, pakolki dziejučyja normy ŭ bolšaj stupieni aryjentavany na madel raspracoŭki zakaznoha prahramnaha zabieśpiačeńnia. «U PVT ciapier pracujuć amal 12 tys. prahramistaŭ. U kampanij užo siońnia jość resursy, jakija jany mohuć vykarystoŭvać dla raspracoŭki ŭłasnaha praduktu. Ale dla hetaha patrebny finansavyja instrumienty. I asnoŭnym finansavym instrumientam źjaŭlajecca vienčurnaje finansavańnie», — adznačyŭ Valeryj Capkała.
Adnak, pavodle jaho słoŭ, u isnujučym zakanadaŭstvie jość abmiežavańni adnosna mahčymaści bankaŭ i pradpryjemstvaŭ układvać hrošy ŭ ryzykoŭnyja raspracoŭki biez harantyi zabiaśpiečanaści viartańnia finansavych srodkaŭ.«Zrazumieła, usio heta patrabuje ŭdaskanaleńnia biełaruskaha zakanadaŭstva. Bo bieź vienčurnaha finansavańnia składana raźličvać na paśpiachovaje raźvićcio praduktovaj madeli», — ličyć dyrektar administracyi PVT.
Alaksandr Łukašenka daŭ adpaviednyja daručeńni. Da vieraśnia pavinny być padrychtavany prapanovy pa źmianieńniach u zakanadaŭstvie, jakija sadziejničali b raźvićciu vienčurnaha finansavańnia. Chutčej za ŭsio, heta budzie kompleksny dakumient, jaki daść mahčymaść źniać niekatoryja pieraškody i abmiežavańni ŭ hetaj śfiery
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści47
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary