Milicyja pryznała, što Pahaniajła pamyłkova akazaŭsia ŭ śpisie nievyjaznych.
U Maskoŭskim sudzie Miensku skončyŭsia razhlad pazovu pravaabaroncy Hary Pahaniajły da MUS i Minjustu. Milicyja vybačyłasia pierad Hary Pahaniajłam za «pamyłkovaje» ŭklučeńnie jaho ŭ śpis nievyjaznych.
«Siońnia načalnik Departamentu hramadzianstva i mihracyi MUS Alaksiej Biahun ahučyŭ vybačeńni i dastaviŭ u sud daviedku pra toje, što ja vyklučany z bazy dadzienych asobaŭ, jakim abmiežavanaje prava na vyjezd.Takim čynam, faktyčna jon pryznaŭ nieabhruntavanaść dziejańniaŭ MUS. Ale sud, prykryŭšysia takoj daviedkaj, pryznaŭ maju skarhu nieabhruntavanaj», - raskazaŭ jon.
Hary Pahaniajła paviedamiŭ, što źbirajecca abskardzić rašeńnie Maskoŭskaha sudu adnosna svajoj skarhi, a taksama budzie damahacca zaviadzieńnia kryminalnaj spravy suproć tych, chto nieabhruntavana ŭklučyŭ jaho ŭ śpis nievyjaznych i «hetym parušyŭ kanstytucyjnyja pravy».
Viadoma pra 14 pravaabaroncaŭ, palitykaŭ i žurnalistaŭ, jakich unieśli ŭ śpis nievyjaznych. Asoby z hetaha śpisu miarkujuć, što hetak ułady Biełarusi adkazali na śpis čynoŭnikaŭ, nievyjaznych u krainy Eŭraźviazu za represii suprać demakratyčnych aktyvistaŭ i falšavańnie vybaraŭ.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary