Minčanka źbirała hrošy z pradaŭcoŭ rehijona, pałochajučy adkaznaściu za praterminavanaje
Rasśledujecca vosiem epizodaŭ.
Vosiem kryminalnych spraŭ rasśledujuć śledčyja kamitety Vilejskaha, Vałožynskaha i Miadzielskaha rajonaŭ, zaviedzienych suprać
Namieśnik prakurora Vilejskaha rajona Vadzim Šukrynaŭ raskazaŭ: minčanka — kansultant hramadskaha abjadnańnia Minska, jakoje zajmajecca abaronaj pravoŭ spažyŭcoŭ.
Žančyna pryjazdžała ŭ Vilejku, zachodziła ŭ mahazin, znachodziła praterminavany tavar, pakazvała pradaŭcam paśviedčańnie i prapanoŭvała zahadčycy mahazina zapłacić joj, kab nie ahučvać handal niajakasnaj pradukcyjaj.
Pradaŭcy i administracyja mahazinaŭ u Vilejcy skidvalisia hrašyma i płacili minčancy.
Pa infarmacyi Vadzima Šukrynava, u adnym mahazinie «revizoru» vydali 1 miljon 50 tysiač rubloŭ, u druhim — 350 tysiač, u trecim — 440 tysiač rubloŭ.
Vadzim Šukrynaŭ adznačaje: padazronaja ŭ złačynstvie z paśviedčańniem pradstaŭnika hramadskaha abjadnańnia nie maje nijakich pravoŭ pryciahvać rabotnikaŭ handlu da administracyjnaj adkaznaści. Voś tolki jany pra heta nie viedali i źbirali hrošy, kab adkupicca.
Akramia Vilejskaha rajona, minčanka «adznačyłasia» taksama ŭ Vałožynskim i Miadzielskim rajonach.Načalnik śledčaha kamiteta Vałožynskaha rajona Vital Jurevič paviedamiŭ «RH», što ŭ adnosinach da hetaj žančyny pa takich ža złačynstvach zaviedzienyja try kryminalnyja spravy.
Prakuror Miadzielskaha rajona Anatol Ivaškievič paviedamiŭ našamu vydańniu, što ŭ Miadziele suprać minčanki zaviali dźvie spravy.
Maksimalnaje pakarańnie, jakoje ciapier pahražaje žančynie, — da dziesiaci hadoŭ pazbaŭleńnia svabody z kanfiskacyjaj majomaści albo biez kanfiskacyi.Śledstva zakančvajecca. Čakajem suda.
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka28
Kamientary