Мінчанка збірала грошы з прадаўцоў рэгіёна, палохаючы адказнасцю за пратэрмінаванае
Расследуецца восем эпізодаў.
Восем крымінальных спраў расследуюць следчыя камітэты Вілейскага, Валожынскага і Мядзельскага раёнаў, заведзеных супраць
Намеснік пракурора Вілейскага раёна Вадзім Шукрынаў расказаў: мінчанка — кансультант грамадскага аб’яднання Мінска, якое займаецца абаронай правоў спажыўцоў.
Жанчына прыязджала ў Вілейку, заходзіла ў магазін, знаходзіла пратэрмінаваны тавар, паказвала прадаўцам пасведчанне і прапаноўвала загадчыцы магазіна заплаціць ёй, каб не агучваць гандаль няякаснай прадукцыяй.
Прадаўцы і адміністрацыя магазінаў у Вілейцы скідваліся грашыма і плацілі мінчанцы.
Па інфармацыі Вадзіма Шукрынава, у адным магазіне «рэвізору» выдалі 1 мільён 50 тысяч рублёў, у другім — 350 тысяч, у трэцім — 440 тысяч рублёў.
Вадзім Шукрынаў адзначае: падазроная ў злачынстве з пасведчаннем прадстаўніка грамадскага аб’яднання не мае ніякіх правоў прыцягваць работнікаў гандлю да адміністрацыйнай адказнасці. Вось толькі яны пра гэта не ведалі і збіралі грошы, каб адкупіцца.
Акрамя Вілейскага раёна, мінчанка «адзначылася» таксама ў Валожынскім і Мядзельскім раёнах.Начальнік следчага камітэта Валожынскага раёна Віталь Юрэвіч паведаміў «РГ», што ў адносінах да гэтай жанчыны па такіх жа злачынствах заведзеныя тры крымінальныя справы.
Пракурор Мядзельскага раёна Анатоль Івашкевіч паведаміў нашаму выданню, што ў Мядзеле супраць мінчанкі завялі дзве справы.
Максімальнае пакаранне, якое цяпер пагражае жанчыне, — да дзесяці гадоў пазбаўлення свабоды з канфіскацыяй маёмасці альбо без канфіскацыі.Следства заканчваецца. Чакаем суда.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары