Viciebskaj aktyvistcy «Jeŭrapiejskaj Biełarusi» — 10 sutak aryštu
Sudździa Kastryčnickaha rajsudu Ina Hraboŭskaja pakarała dziaŭčynu za raspaŭsiud ulotak z zaklikam bajkatavać vybary.
Sud nad aktyvistkaj raspačaŭsia jašče 30 červienia. Napiaredadni Alenu Siemienčukovu razam ź niepaŭnaletnim bratam zatrymali padčas raspaŭsiudu ŭlotak z zaklikam da bajkotu budučych vybaraŭ. Niepaŭnaletniaha Siarhieja Siemienčukova adpuścili dadomu, a na aktyvistku «Eŭrapiejskaj Biełarusi» skłali administracyjny pratakoł i na noč źmiaścili ŭ izalatar časovaha ŭtrymańnia.
30 červienia sud byŭ spynieny, bo dziaŭčyna zajaviła pra svajo prava na abaronu.Sudździa dała čas, kab damovicca z advakatam.
«My ŭražanyja žorstkim rašeńniem sudździ. Bo prysudzić 10 sutak maładoj dziaŭčynie — heta zanadta. Navat z ulikam taho, što Alenu Siemienčukovu ŭžo pryciahvali sioleta da administracyjnaj adkaznaści», — adkamentavała sudovuju pastanovu aktyvistka Taciana Sieviaryniec, jakaja prysutničała ŭ zali sudu.
Alenu Siemienčukovu abvinavacili ŭ praviadzieńni niesankcyjanavanaj akcyi. Takoje samaje abvinavačańnie było vysunuta suprać jaje ŭ Čyhunačnym rajsudzie 20 sakavika — tady dziaŭčynu zatrymali i sudzili za toje, što jana vyjšła ŭ centar Viciebsku ź plakatam «Svabodu Siarhieju Kavalenku!»Tady aktyvistcy prysudzili štraf pamieram 5 bazavych vieličyń. Ale Viciebski abłasny sud, razhledzieŭšy kasacyjnuju skarhu aktyvistki, źmienšyŭ sumu štrafu ŭ dziesiać razoŭ.
4 lipienia ŭ Kastryčnickim rajsudzie, hetaksama za raspaŭsiud ulotak z zaklikam bajkatavać vybary, byŭ aštrafavany aktyvist «Maładoha Frontu» Jaŭhien Hucałaŭ. Chłopca zatrymali napiaredadni kala haradzkoha ZAHSu, dzie jon razdavaŭ ulotki minakam. Hucałaŭ pravioŭ noč u izalatary časovaha ŭtrymańnia, a nazaŭtra byŭ pakarany dvuma štrafami pa 12 bazavych vieličyń kožny — razam heta amal 2 z pałovaj miljony rubloŭ.
Taja ž sudździa Ina Hraboŭskaja, što siońnia asudziła na 10 sutak aryštu Alenu Siemienčukovu, učora pryznała Jaŭhiena Hucałava vinavatym u niepadparadkavańni supracoŭnikam milicyi i brydkasłoŭi ŭ hramadzkim miescy.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina24
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary