Vyjšła z druku aŭtarskaja antalohija polskaj dziciačaj paezii «Kalarovaja karova». U knizie — najlepšyja polskija vieršy dla dziaciej bolš jak za try stahodździ bolš jak na trochsot staronkach.
Vyjšła z druku aŭtarskaja antalohija polskaj dziciačaj paezii «Kalarovaja karova». Pierakład kala dźviuch sotniaŭ tvoraŭ 35 polskich aŭtaraŭ zrobleny supracoŭnicaj Instytuta movaznaŭstva Akademii navuk, palanistam Inesaj Kurjan.
Antalohija prasočvaje raźvićcio tradycyi polskaj paezii dla dziaciej i junactva ad XVIII st. pa ciapierašni čas. U knizie padajucca teksty na biełaruskaj movie i polskija aryhinały, składzienyja bijahramy i tematyčnyja ukazalniki. Vydańnie azdblenaje malunkami viciebskaj mastački Dziny Daniłovič.
Praca nad antalohijaj viałasia ciaham 2002 — 2006 hadoŭ pry kansultacyjnaj padtrymcy Nacyjanalnaha centru kultury i Ministerstva kultury i nacyjanalnaj spadčyny Polščy. Da vydańnia taksama spryčyniŭsia Polski instytut u Miensku. Układańnie i pierakład — samastojnaje tvorčaje rašeńnie pierakładčycy.
Prezentacyja knihi adbudziecca 19 krasavika a 17.45 u Domie Družby na vuł. Zacharava, 28 (nasuprać Linhvistyčnaha ŭniversytetu).
Siarod udzielnikaŭ — bard Aleś Kamocki, paety Andrej Chadanovič, Viera Burłak, Źmicier Višnioŭ, studencki paetyčny teatar, dziciačy hurt «Zaleskaja altanka». Na čas prezentacyi budzie adkrytaja vystava tvoraŭ mastački Dziny Daniłovič.
U ramkach imprezy pierakładčyca ŭhanaruje Lubimaha Aŭtara.
-
Čarniakievič: Nie čakajcie tryumfalnaha šeścia biełaruskaj litaratury pa Jeŭropie
-
U Vilni adkryli niezvyčajny pomnik Žyhimontu Aŭhustu i Barbary Radzivił, čyjo ramantyčnaje kachańnie skončyłasia trahična
-
U Biełastoku adkryli biełaruskuju kniharniu Kamunikat.shop. Jak prajšło adkryćcio i što abmiarkoŭvali?
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach29
Kamientary