Jamu było 52 hady.
U noč na 30 lipienia pamior vybitny akcior i režysior Alaksandr Kołbyšaŭ.
Pavodle papiaredniaj infarmacyi, śmierć nadyšła ad trombu, jaki zakuporyŭ sasudy. Siabry kažuć, što Kołbyšaŭ pakutvaŭ ad bolu ŭ hrudziach, ale pryčyny bolu vyśvietlić nie ŭdavałasia.
Alaksandr Kołbyšaŭ hienijalna syhraŭ partyzana Štyrkina ŭ filmie Andreja Kudzinienki «Akupacyja. Misteryi»,
Kołbyšaŭ stvaryŭ adzin z samych jaskravych filmaŭ apošniaha času — antytatalitarnuju dramu «Vaŭki», jakaja atrymała niekalki ŭznaharodaŭ na fiestyvalach u Rasii i Ukrainie.
«Alaksandr syšoŭ nie stvaryŭšy svaje hałoŭnyja prajekty — kaža dramaturh i scenaryst Andrej Kurejčyk. — U im była taja enierhija, jakaja b mahła nazaŭždy źmianić biełaruskaje kino.Kali my ź im pracavali na «Akupacyi», u jaho była vielizarnaja kolkaść prajektaŭ u hałavie. Jamu vielmi ciažka było pracavać nad «Vaŭkami», mnie zdajecca, tak i nie ŭdałosia realizavać hety prajekt u tym maštabie, u jakim płanavaŭ Saša. Apošnija hady jamu nie davali narmalna pracavać — jon padavaŭ zajaŭku na konkurs Ministerstva kultury, ale jaho nie abirali. Heta pry tym, što Kołbyšaŭ dakładna ŭvachodziŭ u trojku najlepšych biełaruskich režysioraŭ. Škada, što
apošnija niekalki hadoŭ jamu davodziłasia, kab karmić siamju, zdymać idyjockija rasijskija sieryjały. U toj čas jak jon moh stvaryć sapraŭdny nacyjanalny kiniematohraf.Ja, jak i Andrej Kudzinienka, zaŭždy pakazvaŭ svaje pracy najpierš Kołbyšavu. Heta vielizarnaja strata dla biełaruskaj kultury».
Infarmacyja pra čas raźvitańnia i pachavańnia Alaksandra Kołbyšava źjavicca praź niekalki hadzinaŭ.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii23
Kamientary