Prava ekspartavać miasa ŭ Rasieju atrymali tolki 3 biełaruskija kambinaty z 23-ch
Usiaho ekspertyzy «Rośsielchoznadzora» byli praviedzienyja na 23 biełaruskich miasakambinatach i dvuch rybakambinatach.
Rasieja dazvoliła impart miasa i miasapraduktaŭ tolki z troch biełaruskich miasakambinataŭ — «Biełavieskaha» (jaki naležyć rasiejskaj kampanii), Słuckaha i Staŭpieckaha. Usiaho ekspertyzy «Rośsielchoznadzora» byli praviedzienyja na 23 biełaruskich miasakambinatach i dvuch rybakambinatach.
Jak zajaviŭ pradstaŭnik rasiejskaha kamitetu, było ŭstanoŭlena, što hetyja pradpryjemstvy pracujuć na biełaruskaj syravinie i nie zavoziać miasa z Polščy. Maŭlaŭ, astatnija vykarystoŭvali miasa, impartavanaje z Polščy.
Rasieja, jak viadoma, zabaraniła impart miasa z Polščy ŭ 2005 h., što pryviało da zryvu padpisańnia handlovaj damovy miž Eŭraźviazam i RF.
Z 1 krasavika Rasieja budzie impartavać miasa i miasapradukty ź Biełarusi tolki z pradpryjemstvaŭ, atestavanych rasiejskimi ekspertami. Faktyčna, heta pryviadzie da rezkaha abmiežavańnia impartu biełaruskaha miasa.
Jak paviedamiŭ pradstaŭnik «Rośsielchoznadzora» z 1 červienia taki ž paradak planujecca ŭvieści dla pradpryjemstvaŭ ptuškahadoŭli, a taksama dla małakazavodaŭ.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary