Ale cana ŭnušaje.
Siarod tysiač sučasnych, minimalistyčnych i sterylnych interjeraŭ zaŭsiody vyłučajucca kvatery, uładalniki jakich ryzyknuli nadać im peŭny charaktar. Naprykład, dvuška na praśpiekcie Dziaržynskaha ŭ Minsku nahadvaje sapraŭdny anhlijski pab, u jakim ciomna, brutalna i intymna. Takoje niestandartnaje žyllo zaraz zdajecca ŭ arendu, piša Onliner.by.
Kvatera znachodzicca ŭ domie pa adrasie praśpiekt Dziaržynskaha, 24. U joj kamfortnaja płaniroŭka: jość asobnaja spalnia, a haścioŭnia złučanaja z kuchniaj.
Interjer napičkany niestandartnymi rašeńniami — čaho varty adzin tolki stol z belkami ŭ haścioŭni. Karcinu dapaŭniaje fihurnaja stalnica sa słeba, kuchonnyja šafki z freskami i kamiennaja instalacyja kala kanapy ŭ styli «Česterfiłd». Barny vajb dasiahajecca ŭ tym liku z dapamohaj šafy z roŭnymi šerahami kielichaŭ.
Spalnia — cichi kutok u ciomnych adcieńniach i z pryhłušanym śviatłom. Jana nahadvaje vip-zonu ŭ niejkaj ustanovie.
— Kvatera ź cikavym dyzajnam u anhlijskim łoft-styli. Jość usio nieabchodnaje dla kamfortnaha pražyvańnia. Kuchnia całkam abstalavana. Kandycyjanier, TV, pralnaja mašynka, chaładzilnik, posudamyjnaja mašyna, vanna z džakuzi, Wi-Fi, smart-telebačańnie, harderobnaja, kabiniet, łaŭnž-zona na bałkonie, — apisvaje prapanovu pradstaŭnik ryełtarskaha ahienctva.
Kolki kaštuje pažyć u takoj tajamničaj anhlijskaj atmaśfiery? Niamała. Arenda kvatery abydziecca ŭ $1300 u miesiac.
Kamientary