Pra trahiedyju ŭ Samali ź pieršych vusnaŭ

Na forumach sajtu avia.ru prachodzić abmierkavańnie katastrofy biełaruskaha samalotu ŭ Samali. Abmierkavańnie pačałosia ad pieršych paviedamleńniaŭ pra padzieńnie IŁ?76 i praciahvajecca pa siońnia.

Časam mienavita na forumie źjaŭlalisia samyja aperatyŭnyja paviedamleńni pra trahiedyju. Niechta prosta na forumie daviedaŭsia, što jahony baćka nie akazaŭsia na borcie samalotu, inšym šancuje mieniej.

Forum stvaraje jasnaje ŭražańnie, čamu i ź jakoj pryčyny biełaruskija avijatary lotajuć u Afryku, Irak, Aŭhanistan. Jak kaža syn adnaho z takich lotčykaŭ: «Našy baćki i znajomyja lotajuć tudy tolki z adnoj pryčyny — haleča ŭ našaj «lubimaj krainie». IŁ?76 bolej nie puskajuć na rejsy ŭ Eŭropu, tamu, kab nie zhubić prafesijanalizmu, lotčyki zhadžalisia na samyja ryzykoŭnyja rejsy. Aby nie siadzieć biaz spravy, aby nie zhubić umieńniaŭ.

Inšy farumlanin piša: «Žachliva horka ŭśviedamlać toje, što ludzi, jakija addali palotam usio svaje zdaroŭje i navat žyćcio, paśla śmierci nikomu nie patrebnyja. Dy i pry žyćci taksama. Praź niezapatrabavanaść tut ludzi kidajucca kudy zaŭhodna. A ci niamožna ŭ rodnaj dziaržavie zabiaśpiečyć hodnaje žyćcio?».

Treci kaža, što za hety palot jaho baćka atrymaŭ by mizernyja 32 dalary. Amal usie aburajucca, što ŭ krainie nie była abjaŭlenaja žałoba, a dziaržaŭnyja ŚMI zamoŭčvajuć usie padrabiaznaści zdareńnia.

Bolšaść udzielnikaŭ forumu sami byłyja ci dziejsnyja lotčyki. Jany nie pa čutkach viedajuć, što takoje traplać u ekstremalnyja sytuacyi. Mnohija lotali ŭ Afryku, byli pad abstrełami ŭ tym ža Samali, Uhandzie, Tanzanii. Usie sychodziacca ŭ mierkavańni, što ŭdzielniki ekipažu byli sapraŭdnymi prafesijanałami, jakija ščyra i samaaddana, a časam navat fanatyčna rabili svaju spravu.

Z abmierkavańniaŭ možna daviedacca pra asabistaje žyćcio šmat kaho z zahinułych biełarusaŭ. Bo ŭ forumie biaruć udzieł u tym liku i najbližejšyja svajaki, siabry, adnaklaśniki i adnahrupniki biełaruskich lotčykaŭ. Chto, kali nie jany, najlepš mohuć raskazać pra svaich blizkich. Akazvajecca niekatoryja členu ekipažu, musili lacieć u Chartum, ale ŭ apošni čas plany źmianilisia...

Taciana piša: «Napiaredadni vyletu Ivan Hab byŭ u haścioch u siamji majoj siabroŭki, raskazaŭ, što lacić u Samali, prasili nie lacieć. Ivan zapeŭniŭ, što chutka vierniecca i snavaŭ plany na budučyniu...». U bolšaści zastalisia niepaŭnaletnija dzieci. Dla Arcioma Syhučova heta była ŭvohule pieršaj kamandziroŭkaj. Pryvodziacca słovy ŭžo niemaładoha Michaiła Bahłova: ««Ja žyvu dušoj, pakul ja pracuju, vielmi pryjemna adčuvać, što ty patrebien».

Abmierkavańni na Forumie praciahvajucca i zaraz. Pačytać abmierkavańnie ci pryniać u im udzieł možna tut.

Hladzi jašče:
Fotarepartaž: raźvitańnie ź lotčykami
Žyćcio lotčykaŭ Ił‑76 acanili na 15 tysiač dalaraŭ
Fotarepartaž: Zahinułych u Samali lotčykaŭ pryvieźli na radzimu
Žurnalistam zabaranili zdymać samalot, što pryvioz z Samali zahinułych pilotaŭNadzia Syčuhova: Ja straciła apošniaha blizkaha čałavieka

• 0
• 0
• 0
• 0
• 0
• 0
• 0
• 0