U Stolinie zavieršany sprečki ŭ sudzie pa spravie ab zabojstvie Julii Lašuk.
Jak paviedamiła BiełaPAN načalnik adździeła prakuratury Bresckaj vobłaści Natalla Vasiarčuk, jakaja padtrymlivaje abvinavačańnie, sprečki zakončylisia 3 žniŭnia. Adzin z abvinavačanych vystupiŭ z apošnim słovam, a druhi budzie vystupać paśla pierapynku, jaki, chutčej za ŭsio, praciahniecca da 15 žniŭnia.
Dziaržabvinavaŭca paviedamiła, što jana aryjentavała sud na pryznańnie abvinavačanych vinavatymi pa ŭsich punktach i prapanavała pryznačyć im maksimalny termin pakarańnia, praduhledžany dla niepaŭnaletnich, —
pa 15 hadoŭ pazbaŭleńnia voli kožnamu (na momant učynieńnia złačynstvaŭ chłopcam nie było 18 hadoŭ).
«Pradstaŭnik paciarpiełych z pazicyjaj dziaržabvinavaŭcy pahadziŭsia, — zaznačyła Vasiarčuk. —
Abaroncy abvinavačanych prasili častkova apraŭdać i pryznačyć mienšaje pakarańnie, čym prapanoŭvaŭ prakuror».
Abviaščeńnie pryhavoru pryznačana na 16 žniŭnia.
***
«Dziejańni abvinavačvanych kvalifikavanyja śledstvam pa p. 2, 7 i 15 č. 2 art. 139, č. 3 art. 166 i č. 3 art. 167 Kryminalnaha kodeksa (zabojstva zaviedama małaletniaj u hrupie; zhvałtavańnie zaviedama małaletniaj; hvałtoŭnyja dziejańni sieksualnaha charaktaru ŭ dačynieńni da małaletniaj). Akramia taho, adnamu ź ich prad`iaŭlena abvinavačańnie va ŭčynieńni dvuch kradziažoŭ viełasipiedaŭ (č. 2 art. 205) i zamachu na kradziež viełasipieda (č. 1 art. 14, č. 2 art. 205).
24 lipienia ŭ Stolinie Brescki abłasny sud u zakrytym sudovym pasiadžeńni pačaŭ razhlad hetaj kryminalnaj spravy.
Kamientary