Pamočnik Łukašenki: Vystup na Alimpijadzie atrymaŭsia niaŭdałym, a ŭ niekatorych vidach pravalnym

Pieršy vice-prezident Nacyjanalnaha alimpijskaha kamiteta i pamočnik Łukašenki pa pytańniach fizkultury, sportu i raźvićcia turyzmu Ihar Zaičkaŭ, za dzień da finišu łondanskaj Alimpijady ŭ hutarcy z karespandentam BiełTA kamientujučy nievykanańnie miedalnaha płana biełaruskimi spartsmienami [była pastaŭlena zadača 25, zavajavana pakul 11 (3+4+4) — NN], nazvaŭ vystup biełaruskich atletaŭ niezdavalniajučym, a ŭ niekatorych vidach sportu — pravalnym.

«Vystup niezdavalniajučy, a pa niekatorych vidach sportu — pravalny.

U pryvatnaści, u akademičnym viesłavańni [alimpijskaja čempijonka Hulniaŭ-1996 i 2000, Kaciaryna Karsten zaniała zaraz 5-je miesca — NN], u hreka-rymskaj baraćbie.

Ale tak za miedali nie zmahajucca. Treba było zmahacca tak, kab paśla pajadynku ciabie vynosili z dyvana, treba addavać usie siły.

Na žal, našy chłopcy tak nie zmahalisia.

Chiba što Cimafiej Dziejničenka prajaviŭ bajcoŭskija jakaści, vykłaŭsia całkam u sutyčcy za bronzu. Tak, atrymalisia vysokija vynikovyja 5-je miescy, ale my raźličvali na bolšaje, i spartsmieny byli hatovyja.

Tyja ž słovy zakinu da vystupu ŭ viełasporcie na treku, da kidalnicy mołata Aksany Miańkovaj [alimpijskaja čempijonka Piekina-2008 učora zaniała 7-je miesca — NN], jakaja źjaŭlajecca lidaram siezonu, da šturchalnika jadra Andreja Michnieviča [17-je miesca — NN], jaki zusim nie prabiŭsia ŭ finał», — skazaŭ Ihar Zaičkaŭ.

***

Pakul na rachunku biełarusaŭ 11 miedaloŭ: 3 załatyja, 4 srebranyja, 4 bronzavyja.

Zołata: Nadzieja Astapčuk (6 žniŭnia, lohkaja atletyka, jadro) Maksim Mirny / Viktoryja Azaranka (5 žniŭnia, tenis, mikst), Siarhiej Martynaŭ (3 žniŭnia, stralba);

srebra: dva miedali Alaksandry Hierasimieni (2 žniŭnia i 4 žniŭnia; płavańnie); miedal bratoŭ Alaksandra i Andreja Bahdanovičaŭ (9 žniŭnia, kanoe-dvojka), miedal Ramana Pietrušenki i Vadzima Machnieva (11 žniŭnia, bajdarka-dvojka, 200 mietraŭ)

bronza: Maryna Škiermankova (1 žniŭnia, ciažkaja atletyka) i Iryna Kuleša (3 žniŭnia; ciažkaja atletyka), Viktoryja Azaranka (4 žniŭnia; tenis), bajdarka-čaćviorka (8 žniŭnia; Iryna Pamiełava, Nadzieja Papok, Volha Chudzienka i Maryna Pałtaran).

Try miedali ŭziali vieślary, dva miedali płyŭčycha Alaksandra Hierasimienia, dva miedali ŭ ciažkaj atletycy, dva miedali ŭ tenisie, pa adnym miedali ŭ stralbie i lohkaj atletycy, što možna ličyć pravałam (lohkaja atletyka).

***

Na Alimpijadzie ŭ Piekinie ŭ 2008 h. biełarusy zavajavali 19 miedaloŭ (4 załatyja, 5 siarebranych, 10 bronzavych), u Afinach-2004 — 15 (2, 6, 7), Sidnei-2000 — 17 (3, 3, 11), Atłancie-1996 — 15 (1, 6, 8).

• 0
• 0
• 0
• 0
• 0
• 0
• 0
• 0