Zabłakavali? Sajt, dzie źbirajucca podpisy ŭ padtrymku Surapina i Bašarymava, niedastupny dla biełarusaŭ
U Rasii i va Ukrainie sajt pracuje biez prablem.
U Biełarusi staŭ niedastupny sajt mižnarodnaj płatformy Change.org, na jakim pravodziŭsia zbor podpisaŭ za vyzvaleńnie žurnalista Antona Surapina i ryełtara Siarhieja Bašarymava, zatrymanych pa kryminalnaj spravie ab niezakonnym pierasiačeńni biełaruskaj miažy šviedskim lohkamatornym samalotam.
U Rasii i va Ukrainie rasiejskamoŭnaja viersija sajta pracuje biez prablem,paviedamlajuć kaardynatary płatformy.
«Toje, što nas zabłakavali ŭ Biełarusi, — śviedčańnie efiektyŭnaści
Naša hałoŭnaja zadača — dać ludziam u Biełarusi i inšych krainach resursy i instrumienty, jakija dazvalali b im publična zajaŭlać pra niespraviadlivaść i prablemy, jakija ich chvalujuć, a taksama arhanizoŭvaccarazam dla ich vyrašeńnia».
Pavodle słoŭ Saviełava,
apošni raz sajt Change.org byŭ zabłakavany ŭ Kitai, «kali muziej Huhienchajma arhanizavaŭ mižnarodnuju kampaniju za vyzvaleńnie mastaka Aj Vejveja».
Change.org — hłabalnaja płatforma, z dapamohaj jakoj luby čałaviek moža pačać svaju hramadzianskuju kampaniju ŭ intaresach sacyjalnych i inšych pieramien. Płatformaj karystajucca bolš jak 15 miljonaŭ čałaviek va ŭsim śviecie, ź ich 150 tysiač — u Biełarusi, va Ukrainie i Rasii.
Biełarusy stali aktyŭna vykarystoŭvać płatformu Change.org paśla taho, jak Luboŭ Kavalova — maci pakaranaha śmierciu za terakt u minskim mietro Uładzisłava Kavalova — pačała mižnarodnuju kampaniju za admienu śmiarotnaj kary ŭ Biełarusi i sabrała 67.000 podpisaŭ.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary