Abjava: «Zdam pakoj studentcy. Apłata — seks»
Čałaviek, čyje kantakty byli paznačanyja na sajcie abviestak, kaža, što heta zły žart.
«Małady čałaviek, 23 hady, voźmie na padsialeńnie studentku. U jakaści apłaty — seks 2-3 razy ŭ tydzień». Takaja abviestka była raźmieščana na sajcie irr.by 25 žniŭnia.U joj byli paznačanyja numar telefona i adras elektronnaj pošty.
Naša žurnalistka patelefanavała pa numary, paznačanym u abviestcy, pradstaviłasia studentkaj. Jak vyśvietliłasia, my nie pieršyja, chto źviarnuŭsia da jaho nakont žylla za seks. Ale anijakaj kvatery chłopiec nie zdaje. Jon nie viedaje, jak jaho telefon i mejł trapili na sajt.
«Heta zły žart. Ja navat nie mahu ŭjavić, što moža za im stajać». Chłopiec pakul nie viedaje, ci budzie niejak reahavać na zdareńnie.
U redakcyi sajta irr.by patłumačyli, što źmiest dadzienaj abviestki piarečyć praviłam raźmiaščeńnia rekłamy na partale. Takoje stała mahčymym z-za taho, što abviestki prymajucca aŭtamatyčna.
Supracoŭnica sajta pryniesła prabačeńni za pamyłku. «Takija vypadki ŭ nas zdarajucca nadzvyčaj redka», — padkreśliła jana.Nieŭzabavie paśla našaj hutarki abviestku z sajta prybrali.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»6
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary