Hamialčuk zadramaŭ u aŭtobusie sa ščaniukom na rukach — i staŭ zorkaj tyktoku
Videa apublikavana paru dzion tamu. U kadry — pasažyr haradskoha aŭtobusa ŭ Homieli. Mužčyna nie bačyć, jak jaho zdymajuć, bo zasnuŭ, ale na rukach u jaho nie śpić ščaniuk, zaŭvažyli «Mocnyja naviny».
Heta ŭsio, što adbyvajecca ŭ roliku — adnak jon spadabaŭsia karystalnikam placoŭki i jaho stali aktyŭna kamientavać. Łajknuli videa bolš za sotniu tysiač čałaviek, a pahladzieli kala miljona razoŭ.
U kamientarach — sucelnaje zamiłavańnie. Usim spadabaŭsia mužčyna i jaho maleńki hadavaniec: chtości vykazaŭ zdahadku, što paračka jedzie z dačy. Mužčyna, maŭlaŭ, zapracavaŭsia i zasnuŭ, nie dajechaŭšy da doma, a maleča jak nadziejny siabar achoŭvaje jaho son.
Paśla vydańnie Times.by napisała, što ŭ kadry — Michaił Kavaloŭ, viadomy homielski animatar. Zvyčajna jon jeździć na rovary, ale dniami prabiŭ kamieru i byŭ vymušany jechać z dačy aŭtobusam.
«Za dzień tak nakruciŭsia na dačy, što zasnuŭ i nie zaŭvažyŭ, što mianie zdymajuć, — raskazaŭ Michaił. — Da aŭtara videa pretenzij niama, naadvarot, usio vyjšła dušeŭna. Pazityŭnych kamientaryjaŭ šmat, i heta raduje».
Jaho ščaniuka zavuć Iryska. Heta dziaŭčynka, joj try miesiacy. Prytym ź Michaiłam maleča ŭsiaho druhi dzień.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary