Na kvaterach u čatyroch aktyvistaŭ adbylisia pieratrusy, nahodaj dla jakich staŭ mulaž vybuchovaj pryłady, znojdzieny na śmietnicy ŭ lutym.
U Breście na kvaterach u čatyroch anarchistaŭ 6 vieraśnia adbylisia pieratrusy, nahodaj dla jakich staŭ mulaž vybuchovaj pryłady, znojdzieny jašče 8 lutaha biahučaha hoda ŭ śmietnicy na vulicy Janki Kupały. Była raspačataja kryminalnaja sprava, jakoj zajmajecca śledčy Maskoŭskaha RAUS lejtenant Nieściaruk.
Vynikam pieratrusaŭ stała kanfiskacyja sistemnych błokaŭ i fłešak, a taksama vyklik na dopyty ŭ KDB.
Na dumku aktyvista kampanii «Havary praŭdu» Valancina Łazarenkava, da jakoha pa dapamohu źviarnulisia anarchisty, idzie zvyčajnaje zapałochvańnie moładzievych aktyvistaŭ, kab źnizić ich palityčnuju i hramadzianskuju aktyŭnaść padčas vybarčaj kampanii.
Pa słovach Łazarenkava,
nichto z čatyroch maładzionaŭ, u kaho praviali pieratrusy, nie žyvie ŭ mikrarajonie, dzie znajšli mulaž vybuchovaj pryłady.Dvuch ź ich — Juryja Milaŭskaha i Alaksandra Kaźlanka — Łazarenkaŭ dobra viedaje. Jany žyvuć pobač ź im, i pastajanna ź im stasujucca. Ničoha drennaha pra hetych maładzionaŭ Łazarenkaŭ skazać nie moža. Viadoma jamu tolki toje, što
chłopcy stajać na pazicyjach antyfašystaŭ, za što nie raz ciarpieli ad pieraśledu jak prychilnikaŭ fašysckaj ideałohii, tak i siłavych struktur.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary