Biełaruskaja nafta vyčerpvajecca
Zdabyča syroj nafty ŭ Biełarusi za studzień-žnivień 2012 hoda ŭ paraŭnańni z anałahičnym pieryjadam minułaha hoda skaraciłasia na 1,2% da 1109 tys. t.
Takija dadzienyja ŭtrymlivajucca ŭ dakładzie Nacyjanalnaha statystyčnaha kamiteta.
Zdabyča pryrodnaha hazu ŭ respublicy za vosiem miesiacaŭ hetaha hoda vyrasła na 1,5% da 148,5 młn kub.m. Vytvorčaść tarfianych brykietaŭ i paŭbrykietaŭ skaraciłasia na 1,2% i skłała 855,6 tys. t.
U cełym zdabyča paliŭna-enierhietyčnych karysnych vykapniaŭ u Biełarusi źniziłasia za vosiem miesiacaŭ na 1,2%.
Za 2011 hod zdabyča paliŭna-enierhietyčnych karysnych vykapniaŭ skaraciłasia ŭ respublicy na 0,9% u paraŭnańni z vynikam 2010-ha. Pry hetym zdabyča nafty ŭ minułym hodzie źniziłasia na 1,1% da 1681,5 tys. t. Zdabyča naturalnaha hazu vyrasła na 4,3% da 222,3 młn. kub.m. Vytvorčaść paliŭnych brykietaŭ pavialičyłasia na 3,6% i skłała 1364,5 tys. t.
Kamientary