Zaŭčasnaj zimy ŭ Biełarusi nie čakajecca

Zimovych chaładoŭ da siaredziny listapada ŭ Biełarusi nie čakajecca. Ab hetym paviedamiła karespandentu hałoŭny sinoptyk Respublikanskaha hidramieteacentra Ludmiła Paraščuk.

Kastryčnik u hetym hodzie charaktaryzavaŭsia niaŭstojlivym nadvorjem jak pa tempieratury, tak i pa apadkach. «Niahledziačy na toje, što dźvie pieršyja ciopłyja dekady źmianilisia rezkim pachaładańniem u kancy miesiaca, kastryčnik byŭ na 1–2 hradusy ciaplejšym z klimatyčnuju normu, — rastłumačyła Ludmiła Paraščuk. — Zatoje apadkaŭ u hety pieryjad było bahata: na bolšaj častcy terytoryi krainy vypała paŭtary-dźvie miesiačnyja normy».

Pavodle słoŭ hałoŭnaha sinoptyka, u bližejšaj dekadzie listapada budzie pieravažać pavyšany tempieraturny režym, jaki stanie na 1–3 hradusy ciaplejšy za normu.

U bližejšyja sutki, 2 listapada, umovy nadvorja ŭ Biełarusi budzie vyznačać aktyŭny atmaśfierny front. Uśled za im na terytoryju krainy pačnuć pastupać ciopłyja pavietranyja masy z paŭdniovaha zachadu Jeŭropy. U hety dzień budzie pieravažać vobłačnaje nadvorje. Na bolšaj častcy terytoryi krainy projduć daždžy. Viecier budzie paŭdniova-ŭschodni 5–10 mietraŭ za siekundu. U mnohich rajonach jaho paryvy dasiahnuć 15–20 mietraŭ za siekundu. Tempieratura pavietra ŭnačy budzie ad nula da plus 6 hradusaŭ. Udzień pavietra prahrejecca da 2–7, a pa paŭdniovym zachadzie — da plus 10 hradusaŭ.

U bližejšyja vychadnyja nadvorje sfarmirujuć atmaśfiernyja franty i ciopłyja pavietranyja masy, jakija pieramiaščajucca z paŭdniovaha zachadu Jeŭropy.

U subotu, 3 listapada, u načny čas na bolšaj častcy terytoryi, a dniom miescami pa krainie prahnazujucca karotkačasovyja daždžy. U asobnych rajonach čakajecca tuman. Tempieratura pavietra ŭnačy składzie 1–6 hradusaŭ vyšej za nul. Udzień tempieratura budzie vahacca ad plus 5–10 da plus 12 hradusaŭ pa paŭdniovym zachadzie Bresckaj vobłaści.

U niadzielu daždžoŭ stanie mienš, a tempieraturny režym pa-raniejšamu budzie pavyšanym. Nočču tempieratura pavietra składzie 1–6 hradusaŭ sa znakam plus. Dniom pavietra prahrejecca da 6–11 hradusaŭ, a pa poŭdni Bresckaj i Homielskaj abłaściej da 13 hradusaŭ ciapła. Pavodle słoŭ hałoŭnaha sinoptyka, taki tempieraturny fon na 2–4 hradusy pieravysić klimatyčnuju normu.

U pačatku nastupnaha tydnia Biełaruś trapić pad upłyŭ paŭdniovaha cykłonu, jaki ź Mižziemnaha mora budzie pieramiaščacca ŭ paŭnočna-ŭschodnim napramku pablizu biełaruskich hranic na poŭnač Jeŭrapiejskaj Rasii.

U sieradu, 7 listapada, terytoryja Biełarusi apyniecca ŭ tyłavoj častcy cykłonu, u suviazi z čym prahnazujecca nievialikaje pachaładańnie.

• 0
• 0
• 0
• 0
• 0
• 0
• 0
• 0