Ale «niemahčyma kala kožnaha znaka abo skryžavańnia pastavić supracoŭnika».
Pra heta ŭ časie
Adkazvajučy na pytańnie ab spradviečnym kanflikcie «piešachod — kiroŭca», Vadzim Harkun paviedamiŭ, što za 10 miesiacaŭ biahučaha hoda ŭ Minsku zahinuli 57 čałaviek, 2/3 zahinuŭšych piešachodaŭ sami vinavatyja ŭ trahiedyjach. Havoračy ab vykanańni patrabavańniaŭ darožnych znakaŭ, jakija zabaraniajuć parkoŭku, namieśnik načalnika haradskoj DAI ŭ čarhovy raz zaŭvažyŭ, što niemahčyma kala kožnaha znaka abo skryžavańnia pastavić supracoŭnika DAI. Akramia taho, pa padlikach darožnych inśpiektaraŭ, na siońnia ŭ Minsku ruchajucca kala miljona transpartnych srodkaŭ. Pry hetym stalica maje usiaho 140 tysiač parkovačnych miescaŭ. «Prablemu treba razhladać kompleksna, a nie łajać DAI za
biaździejnaść u kožnaj kankretnaj situacyi», — skazaŭ Vadzim Harkun.
Situacyju z vykanańniem Praviłaŭ darožnaha ruchu ŭ Minsku karennym čynam źmienić pašyreńnie sistemy fotavideafiksacyi parušeńniaŭ. U paćvierdžańnie svaich słoŭ namieśnik načalnika DAI HUUS Minharvykankama pryvioŭ prykład Minskaj kalcavoj aŭtadarohi, situacyja z zachavańniem zakonnaści na jakoj źmianiłasia ŭ lepšy bok paśla ŭstanoŭki nazvanych sistem. Vadzim Harkun nahadaŭ, što fiksacyja parušeńniaŭ takimi pryborami ciahnie ŭklučeńnie imia i proźvišča parušalnika ŭ adpaviednuju bazu dadzienych DAI, choć niepasrednaj adznaki ŭ tałonie moža i nie być. Adkazvajučy na pytańnie ab videarehistratary aŭtaamataraŭ, pradstaŭnik aŭtainśpiekcyi skazaŭ, što ich pašyreńnie palahčaje pracu DAI ŭ časie razhladaŭ DTZ i pakarańnia parušalnikaŭ. Pry hetym Vadzim Harkun zapeŭniŭ, što ŭ vypadku parušeńniaŭ, dapuščanych supracoŭnikami DAI, jany niasuć adkaznaść u poŭnaj adpaviednaści z zakonam, a za hrubyja parušeńni PDR pazbaŭlajucca pracy.
Kamientary