Ale tradycyjna źmianili maršrut.
Minharvykankam daŭ dazvoł na praviadzieńnie ŭ Minsku pieršamajskaj demanstracyi, adnak źmianiŭ maršrut śledavańnia ŭdzielnikaŭ akcyi. Pra heta BiełaPAN paviedamiŭ pres‑sakratar Partyi kamunistaŭ Biełaruskaj (PKB) Siarhiej Vaźniak.
Pavodle jaho słoŭ, zajaŭnikam akcyi vystupiŭ lider PKB Siarhiej Kalakin. Spačatku płanavałasia, što zbor udzielnikaŭ projdzie 1 maja ŭ 11.30 kala Akademii navuk. U 12 hadzin pačniecca ruch kałony pa praśpiekcie Niezaležnaści, vulicy Surhanava da parku Družby narodaŭ, dzie pavinny prajści mitynh i masavyja hulańni.
«Tym nie mieniej, Minharvykankam dazvoliŭ nam zbor na vulicy Karastajanavaj, i ŭžo adtul — ruch na płošču Banhałor. Nakolki mnie viadoma, hetaje rašeńnie budzie abskardžana ŭ sudzie», — skazaŭ S.Vaźniak.
S.Kalakin paviedamiŭ BiełaPAN, što jon ciapier znachodzicca nie ŭ Minsku i rašeńnie Minharvykankama jašče nie atrymaŭ. Lider PKB nie vyklučyŭ mahčymaści abskardžańnia rašeńnia staličnych uładaŭ u sudzie.
Kamientary