Zakrytaja hazieta «Zhoda»
17 sakavika sudździa Vyšejšaha haspadarčaha suda Aksana Michniuk zadavoliła zysk Mininfarmacyi ab spynieńni dziejnaści haziety «Zhoda».
Padstavaj dla spynieńnia dziejnaści stali 2 papiaredžańni napraciahu hoda za parušeńnie art. 5 Zakona ab druku. Miž tym, termin, vyznačany na abskardžańnie druhoha papiaredžańnia, jašče nie skončyŭsia. Juryst HA «Biełaruskaja asacyjacyja žurnalistaŭ» A. Bastuniec, jaki pradstaŭlaŭ intaresy redakcyi ŭ sudzie, ličyć, što tym samym było parušana zamacavanaje zakonam ab druku prava redakcyi na abskardžańnie pretenzii.
Sudździa prapanoŭvała pačać razhlad spravy pa sutnaści ŭžo 15 sakavika, adrazu paśla padrychtoŭčaha pasiedžańnia. Adnak pradstaŭniki redakcyi «Zhody» zapiarečyli, nahadaŭšy sudździ pra miesiačny termin na abskardžańnie papiaredžańnia. Tady ž sud adchiliŭ chadajnictva redakcyi nakont admieny sudovaj pastanovy ab prypynieńni haziety da vyniasieńnia rašeńnia pa sutnaści. (U chadajnictvie adkazčyki padkreślivali, što «prypynienie dziejnaści haziety da rašeńnia suda nijakim čynam nie moža paŭpłyvać na vykanańnie jašče nie vyniesienaha sudovaha rašeńnia»).
Nahadajem, što 6 sakavika Ministerstva infarmacyi padało ŭ Vyšejšy Haspadarčy sud zysk ab spynieńni dziejnaści niedziaržaŭnaj haziety «Zhoda». 7 sakavika VHS pryniaŭ zysk da razhladu, a taksama, pa prośbie ministerstva, prypyniŭ hazietu jašče da suda. Padstavaj dla zakryćcia «Zhody», na dumku Mininfarmacyi, źjaŭlajecca nieadnarazovaje parušeńnie redakcyjaj patrabavańniaŭ art. 5 Zakona «Ab druku i inšych ŚMI» (pieršaje papiaredžańnie pa hetym artykule było vyniesiena 9 listapada i tyčyłasia humarystyčnych kałažaŭ z vyjavami dziaržaŭnych asobaŭ; druhoje było vyniesiena 23 lutaha za pieradrukoŭku malunkaŭ, što raniej stalisia pryčynaj «karykaturnaha skandału»). Akramia hetaha, ministerstva prasiła adrazu ž prypynić hazietu, bo, maŭlaŭ, za hety čas «adkazčyk moža hruba parušyć patrabavańni zakona ab druku».
Pres-słužba HA «Biełaruskaja asacyjacyja žurnalistaŭ»
Ciapier čytajuć
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Kamientary